web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj sulmon treshen Rama-Meta-Berisha/ “Mbartin në kurriz korrupsionin”

24 Prill 2023, 11:12, Politikë CNA
Alibeaj sulmon treshen Rama-Meta-Berisha/ “Mbartin në kurriz
Kreu i komanduar i PD-së, Enkelejd Alibeaj

Kreu i komanduar i PD-së, Enkelejd Alibeaj, gjatë një takimi në Finiq, ku ka prezantuar kandidatin Leonidha Papa është shprehur se është e paimagjinueshme që treshja Edi Rama-Ilir Meta-Sali Berisha të qëndrojnë kaq gjatë në pushtet.

Enkelejd Alibeaj theksoi se ata i kanë detyruar shqiptarët që të votojnë pa alternativë tjetër.

Alibeaj tha se shoqëria shqiptare e pranon se “sëmundja” më e rëndë e shtetit shqiptar është korrupsioni.

“Për çdo mendje të arsyeshme, edhe gjeni të jenë këta njerëz, edhe ëngjëj të jenë këta njerëz, është e paimagjinueshme që të rrinë kaq kohë në pushtet njëri apo tjetri. Dhe pyetja është: po pse nuk paska njerëz të tjerë, intelektualë, njerëz që duan të japin në politikën shqiptare në qendër apo më poshtë? Unë besoj që ka, ka. Por kjo treshe që ka qenë lart, e ka mbyllur sistemin.

I detyroi shqiptarët që të votojnë, herë njërin, herë tjetrin, herë tjetrin, pa alternativë tjetër. Ndaj, për këtë arsye Partia Demokratike bëri atë ndarjen sot, e them unë, të dhimbshme për të ofruar një alternativë, jashtë korrupsionit.

Në qoftë se e pranojmë të gjithë, shoqëria shqiptare e pranon se sëmundja më e rëndë sot e shtetit shqiptar është korrupsioni, alfa është që ne të distancohemi nga çdo njeri i cili mbart në kurrizin e vet gjurmë korrupsioni”, tha Alibeaj./ CNA.al





Lajmet e fundit nga