web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj u “qahet” demokratëve/ “Sot nuk jemi joshës për rininë”

23 Prill 2023, 15:03, Politikë CNA
Alibeaj u “qahet” demokratëve/ “Sot nuk jemi joshës
Kryetari i komanduar i PD-së, Enkelejd Alibeaj

Kryetari i komanduar i PD-së, Enkelejd Alibeaj, ka zhvilluar një takim elektoral në Sarandë, ku ka folur për situatën në të cilën PD është gjendur përgjatë një viti e gjysmë.

Ai u shpreh se mes demokratëve ka plasur një sulm pa princip dhe logjikë.

Alibeaj tha se historia duhet të lexohet siç është duke theksuar se PD i humbi vlerat e saj, duke mënjanuar disa nga çështjet kryesore për të cilat duhet të luftonte si çështja e pronës, biznesi apo rinia, duke thënë se tashmë nuk janë më joshës për rininë, një mbështetës kryesor i PD-së që nga themelimi i saj.

“Vijmë nga një situatë, pas një viti e gjysmë brenda demokratëve ka plasur një sulm, i pa principë pa logjikë ndaj demokratëve që kanë kontribuar për PD-në, kanë sakrifikuar, njerëz të cilët nuk kanë marrë, nuk kanë zhvatur, por kanë qenë me bindje se PD është partia e vlerave.

Për këtë arsye u krijuar PD-ja. Historinë duhet ta lexojmë ashtu si është. Në fakt ajo që rezultoi me kalimin e kohës kur ishim në qeverisje u shkëputëm nga këto vlera. Çështja e pronësisë, e tokës ngeli dhe vazhdon dhe sot të jetë një lëngatë e madhe. Kemi fajin dhe përgjegjësinë tonë.

Ne nuk ua kthyem borxhin. Biznesin nuk e  trajtuam si motorin e ekonomisë, por kaluam mbi kurriz. Ne rininë që e kemi pasur në fillim, sot ne nuk e kemi mundësinë të jemi joshës për rininë.

Duhet ta shohim të vërtetën në sy, që të gjejmë mënyrën për t'u korrigjuar.

Prej një viti e gjysmë kemi qenë në një agresion”, tha Alibeaj./ CNA.al





Lajmet e fundit nga