web counter
LEXO PA REKLAMA!

SHKARKO APP

App Store
Google Play

"Vjen me një mision të kobshëm"/ Berisha “zbërthen” kandidatin e Ramës për Sarandën

22 Prill 2023, 19:51, Politikë CNA

"Vjen me një mision të kobshëm"/ Berisha

Drejtuesi i koalicionit “Bashkë Fitojmë”, Sali Berisha ka zbuluar se kandidati i PS-së për Sarandën, Olti Çaçi, të cilin nuk e njeh asnjë socialist, vjen me një mision të kobshëm.

Sipas Berishës, kandidati i Ramës vjen nga Durrësi për të sjellë mafien në Sarandë, pasi ata janë duke kërkuar zona për të zhvilluar veprimtarinë e tyre kriminale.

Berisha theksoi se kandidati socialist ka bërë shkollën e mafias në Durrës.

"Po marrim kandidatët, ja ku është zoti Cikuli, ja ku është zoti Shero. Ku është ai kandidati i Sarandës, a e dini ju kush është ai? Ju se njihni asnjë, nuk e njeh asnjë socialist. Ju them unë kush është ai. Asnjë socialist nuk e njeh. Ai vjen nga Durrësi, ai vjen me mision të kobshëm, ai vjen për të sjellë këtu mafian e tmerrshme të Durrësit. 

Sepse e shofin se Durrësi po u ikën, Igli Cara do të fitojë dhe tani kërkojnë zona për veprimtarinë e tyre kriminale dhe mendojnë se mund të mashtrojnë sarandiotët. Po nga doli ai njëherë. Po si ka mundësi që Saranda me këta burra, me këto gra, me këta të rinj, të mos ketë një njeri për ta kandiduar, por do ta sjellim nga Durrësi pasi ka bërë shkollën e mafias së Durrësit.

Ky është kandidati, ky është vlerësimi i Edi Ramës për Sarandën', tha ai./CNA.al





Lajmet e fundit nga