web counter
LEXO PA REKLAMA!

SHKARKO APP

App Store
Google Play

E fundit!

x

“Para pak vitesh ishte moçal”/ Filo: Lagjja 10, shembulli më i mirë i ndryshimit të Korçës

22 Prill 2023, 13:07, Politikë CNA
“Para pak vitesh ishte moçal”/ Filo: Lagjja 10, shembulli
Kryetari i bashkisë së Korçës, Sotiraq Filo

“Lagjja 10 është një nga shembujt më të mirë të ndryshimit të qytetit në vitet e fundit”.

Kështu u shpreh kryetari i bashkisë së Korçës, Sotiraq Filo në një takim me banorët e kësaj lagjeje.

Kandidati për kreun e bashkisë në zgjedhjet e 14 majit veçoi investimet më madhore që janë bërë gjatë këtyre viteve, ku padyshim Qyteza e Fëmijëve dhe Zona Sportive janë shembujt se si nga një moçal u kthye në një pikë shumë të rëndësishme të Korçës.

“Lagjja 10 ka një bilanc pozitiv sa i takon projekteve të zbatuara. Filluam me kanalizimet për të vijuar me rrugët e brendëshme të lagjes dhe sistemimin e hapsira në blloqet e pallateve. Projektet më të mëdha të bashkisë sërish i takojnë kësaj lagjeje duke nisur me rimodelimin e Parkut Rinia që është hapësira e gjelbër kryesore e qytetit. Për të vijuar me Qytezën dhe Zonën Sportive, dy projekte madhore shumë të rëndësishme nga mënyra se si e transformuan këtë hapësirë. Para pak vitesh ky vend ishte një moçal ndërsa tani kemi këtë hapësirë fantastike dedikuar të ardhmes së këtij qyteti”, u shpreh ai.

Nga ana tjetër, gjatë fjalës së tij Filo përmendi projektin e termoizolimit të pallateve, si një hap i mëtejshëm jo vetëm për t’i dhënë një tjetër imazh qytetit të Korçës, por shton vlerën e pronës dhe ul koston e ngrohjes.

“Projekti i termoizolimit të fasadave është një tjetër projekt që i ndryshon imazhin qytetit. E kemi pilotuar dhe e kemi parë se sa i rëndësishëm është ky projekt që të zbatohet në gjithë qytetin. Ky projekt do të ndikojë tek banorët pasi do të ulë kostot e ngrohjes si dhe do të risë vlerën e pronës. Por nga ana tjetër, termoizolimi ka edhe një benefit për qytetin pasi përmirëson imazhin e tij”, theksoi Filo./ CNA.al





Lajmet e fundit nga