web counter
LEXO PA REKLAMA!

SHKARKO APP

App Store
Google Play

Pjesëmarrja në çeljen e fushatës/ Berisha: Takimi kishte qëllim tjetër, ishte strategji

21 Prill 2023, 21:32, Politikë CNA
Pjesëmarrja në çeljen e fushatës/ Berisha: Takimi kishte
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka folur mbrëmjen e sotme për pjesëmarrjen në hapjen e madhe të fushatës elektorale në stadiumin “Air Albania”.

Berisha iu përgjigj kritikëve që thanë se stadiumi u boshatis para se të mbyllej takimi. Ai tha në emisionin e Arian Çanit se si qëllim nuk kishte të mbante njerëzit lidhur, por të fitonte kamerat.

Ish-kryeministri theksoi se takimi i madh i çeljes së fushatës ishte strategji komunikimi që kandidatët e tij të kishin mundësinë t’i adresoheshin shqiptarëve.

“Ai ishte tubim i njerëzve të lirë dhe jo i nëpunësve. Ai takim kishte tjetër qëllim. Të fitoja kamera. Qëllimi ishte për mua që ata kandidatë të kishin mundësinë t’i adresoheshin shqiptarëve. Unë kisha si synim audiencën e kamerave, doja që kandidatët tu drejtoheshin shqiptarëve, përmes kamerave. Nuk kishte asnjë problem për mua edhe nëse zbrahej stadium. Unë kam shumë respekt për ata që erdhën, por unë u flas kamerave dhe përmes tyre, u flas të gjithë shqiptarëve. Ishte strategjia ime e komunikimit. Kishin pesë orë aty, nuk bëhen ashtu takimet me nga 5 apo 7 orë”, deklaroi Berisha, ndërsa nënvizoi se kandidatët e tij po censurohen nga mediat./ CNA.al





Lajmet e fundit nga