web counter
LEXO PA REKLAMA!

SHKARKO APP

App Store
Google Play

E fundit!

x

Bejko sulmon Berishën/ Është variant i bolshevizmit, nuk pranon ndryshimin

20 Prill 2023, 22:52, Politikë CNA
Bejko sulmon Berishën/ Është variant i bolshevizmit, nuk pranon
Kandidati i Partisë Demokratike të Alibeajt për Bashkinë e Tiranës, Roland Bejko

Kandidati i Partisë Demokratike të Alibeajt për Bashkinë e Tiranës, Roland Bejko, ka sulmuar sërish kryetarin e koalicionit Bashkë Fitojmë”, Sali Berishën në lidhje me zhvillimet në PD.

Bejko tha në një intervistë me Pranvera Borakajn se Berisha është vrarë nga Amerikanët dhe nga demokratët që i kanë dalë kundër.

Ai pretendon se ish-kryeministri është një variant i bolshevizmit që nuk e pranon ndryshimin.

"Rezistuam si asnjëherë më parë, sepse nuk ka ndodhur ndonjëherë në historikun e PD, edhe pse ka pasur pakënaqësi të ndryshme ndaj Berishës ose qendrime parimore për demokracinë e brendshme të partisë, që nga viti ’92 e deri në 2013-ën, ku Berisha ka drejtuar PD ‘de-facto’ dhe ‘de-jure’, sepse ‘de-facto’ e drejtoi edhe nga 2013 e deri në kohën që jemi sot, me Lulzim Bashën. Të gjitha shqizmat që kanë dalë janë ndeshur me Berishën dhe Berisha i ka vrarë politikisht. Është hera e parë Berisha vritet brenda PD është vrarë nga dy faktorë. Hera e parë nga Amerika, të cilët Berisha nuk i mundi dot, se gjithë të tjerët brenda Shqipërisë dhe PD i ka mundur. Këtë radhë i ndodhi një gjë që Berisha nuk e planifikonte, një rezistencë e fortë brenda PD, e cila i qëndroi Berishës përballë, por jo Berishës si njeri, por berishizmit, asaj që përfaqësonte Berisha. Berishizmi është asgjë më shumë e asgjë më pak, veçse një variant i bolshevizmit, i cili nuk e pranon të ndryshmin, e refuzon atë e kundërshton, vret dhe asgjëson atë", deklaroi Bejko./ CNA.al





Lajmet e fundit nga