web counter
LEXO PA REKLAMA!

SHKARKO APP

App Store
Google Play

Këlliçi bën llogaritë e projektit/ Sa kushton transporti falas në Tiranë

20 Prill 2023, 21:47, Politikë CNA
Këlliçi bën llogaritë e projektit/ Sa kushton transporti
Kandidati i koalicionit “Bashkë Fitojmë” për Tiranën, Belind Këlliçi

Kandidati i koalicionit “Bashkë Fitojmë” për Tiranën, Belind Këlliçi, ka shpjeguar sërish projektin e tij për transportin falas në kryeqytet.

Këlliçi përllogariti në emisionin “Opinion” sa shkon në total transporti urban falas.

Nëse do të merret parasysh numri më i lartë i biletave dhe aboneve që është shitur brenda një viti, ai u shpreh se kostoja shkon në 16.79 milionë euro në vit.

“Viti para pandemisë është numri më i lartë i pasagjerëve në transportin publik në Tiranë. Numri total është 28, 666, 000 bileta. Numri i aboneve është 490,546. Të kombinuar në një kosto të dyja shkojnë 16.79 milionë euro në vit. Do destinojmë një fond prej 5 milionë Eurosh në vit për të modernizuar flotën e autobusëve për të patur në të ardhmen edhe autobusë hibridë për të ulur kostot e mirëmbajtjes, për të ulur karburantin, dhe për të modernizuar edhe stacionet e autobusit ku sot nuk ke asnjë shenjë dalluese.

Kjo është një çështje që nuk prek vetëm transportin urban, kjo i kushton familjeve që e përdorin transportin publik mesatarisht 52 mijë lekë në muaj. Dhe kjo është një zgjidhje prej 52 mijë lekësh më pak në muaj për çdo familje për 4 vjet. Dhe është një zgjidhje jo për të pasurit, është një zgjidhje për të varfërit, për studentët, pensionistët, shtresat në nevojë”, theksoi Këlliçi./ CNA.al





Lajmet e fundit nga