web counter
LEXO PA REKLAMA!

SHKARKO APP

App Store
Google Play

E fundit!

x

Republikanët mbështesin Bardh Spahinë/ Mediu: Është koha që qeveria të funksionojë për ne

21 Prill 2023, 14:30, Politikë CNA
Republikanët mbështesin Bardh Spahinë/ Mediu: Është
Kreu i Partisë Republikane Fatmir Mediu

Kreu i Partisë Republikane, Fatmir Mediu, ka zhvilluar një takim në Shkodër ku ka treguar se republikanët mbështesin kreun e bashkisë, Bardh Spahia, në rikandidimin e tij.

Mediu ka theksuar se varfëria, shtetit monist, po rikthehet dhe po mbizotëron në jetën tonë.

Sipas kreut të Partisë Republikane, qeverisja është zëvendësuar me klanet dhe korrupsionin, ndërsa droga dhe krimi zotërojnë rrugët, sheshet dhe janë të lidhura me shtetin.

Mediu nënvizon se është koha për ta bërë qeverinë të funksionojë për qytetarët dhe jo për t'u hipur në shpinë qytetarëve.

 “Për ta nuk ka histori, tradita. Patriotizmi dhe shqiptarizmi, këto virtyte që mbajnë çdo komb, janë atavizëm i botës së tyre moderne. Të flasësh për Shqipëri, Kosovë e komb shqiptar është nacionalizëm, të flasësh për miqësinë me Vuçiçin është europianizëm.

Pyetja është çfarë duhet bërë??

Së pari, të kuptojmë se pa liri, pa pronë dhe pa besim nuk ka jetë. Ne duhet të thyejmë tabutë duke parë si zot politikën dhe politikanët. Mbi ne është vetëm Zoti.

Le ta deklarojmë sa më fort e ta bëjmë pjesë të jetës dhe qëndrimit të çdo shqiptari se: 'Të gjithë kemi lindur të barabartë dhe Zoti na ka veshur me të drejta të patjetërsueshme, si; Liria, Jeta dhe ndërtimi i lumturisë'.

E kaluara e varfërisë, e shtetit monist, administratës politike, kohës kur partia ishte Zot mbi Zot, ku kundërshtarët persekutoheshin, nuk është një e kaluar e largët. Për fatin e keq çdo ditë po rikthehet dhe kërkon të bëhet përsëri dominante në jetën tonë.

Pluralizmi politik është zëvendesuar me pazarin politik. Diferenca e ideve është zëvendësuar me sharjen dhe fyerjen. Qeverisja është zëvendësuar me klanet dhe korrupsionin. Jeta është bërë pa vlerë, droga dhe krimi zotërojnë rrugët, sheshet dhe janë të lidhura me shtetin.

Është koha për ta bërë qeverinë të funksionojë, të punojë me ne, jo të jetë mbi ne, për të na qëndruar në krah, jo për të na hipur mbi shpinë. Qeveria mund dhe duhet të ofrojë mundësi, jo t’i mbysë ato.

Është koha që ne të vlerësojmë se, edhe pse jemi një komb i vogël, kemi vlera shumë të mëdha dhe nuk duhet të kufizojmë veten në ëndrra të vogla”, tha Mediu./ CNA.al





Lajmet e fundit nga