web counter
LEXO PA REKLAMA!

SHKARKO APP

App Store
Google Play

I firuan kandidatët/ Alibeaj, thirrje partive: Jemi konkurrentë seriozë, bashkohuni me ne

22 Prill 2023, 11:21, Politikë CNA
I firuan kandidatët/ Alibeaj, thirrje partive: Jemi konkurrentë
Kryetari i komanduar i PD-së, Enkelejd Alibeaj

Kryetari i komanduar i PD-së, Enkelejd Alibeaj, ka mbajtur një takim me banorët e Patosit, ku ka prezantuar kandidaten e tij për bashkinë, Pranvera Rizain.

Ndonëse është braktisur nga disa kandidatë dhe i kanë mbetur vetëm 14 të tillë nga 61 bashki që ka vendi, Alibeaj tha se PD-ja e tij është konkurrente serioze.

Ai i bëri thirrje partive opozitare që të bëjnë aleancë me të për të luftuar kundër kryeministrit Edi Rama, kreut të koaliconit “Bashkë Fitojmë, Sali Berisha dhe kreut të PL-së, Ilir Meta.  

“Ne do të jemi konkurrentë seriozë dhe të qartë në këto zgjedhje vendore, edhe pse koha është e shkurtër, edhe pse rrethanat janë të vështira. Ne ftojmë në një aleancë politike të gjitha partitë parlamentare ose jo, nga qendra në të djathtë të cilët janë për idealet euroatlantike, janë për orientimin perëndimor të Shqipërisë, janë për të luftuar dhe rrëzuar trekëndëshin e Bermudës të përfaqësuar nga tri pikat simbolike të tij Rama-Berisha-Meta që përbëjnë të shkuarën, që janë problemi dhe asesi zgjidhja. Kjo aleancë me qëllim strategjik kërkon që të trajtohet edhe pas 15 majit si një përqendrim dhe bashkim i shumicave demokratike. Këta  jemi ne, demokratët e Shqipërisë!

Ne do të i futemi një procesi organizimi të brendshëm elektoral, tërësor dhe kapilar, për tu rikthyer në pushtetin lokal me sa më shumë bashki dhe këshilltarë për t’i dhënë jetë demokracisë lokale pas zgjedhjeve të njëanshme të vitit 2019. Kandidatët tanë do të jenë fryma euroatlantiste në politikën shqiptare. Ata do të jenë nismëtarët e rikthimit të demokracisë shqiptare në shinat e normalitetit, në shinat e standardeve. Do të jenë kandidatët që jo vetëm politikisht por edhe praktikisht do t´i hapin bashkitë pranë qytetarëve.

Si përfundim, kantieri më i madh për ne demokratët e Shqipërisë është pas 15 majit. Ne kemi të drejtën të jemi Partia Demokratike e Shqipërisë, partia më e bukur e lindjes”, theksoi njdër të tjera Alibeaj./ CNA.al





Lajmet e fundit nga