web counter
LEXO PA REKLAMA!

SHKARKO APP

App Store
Google Play

Rama, ultimatum sektorit privat/ “Rrisni pagat, nuk bëhet biznes me krahun e lirë të punës”

24 Prill 2023, 18:02, Politikë CNA
Rama, ultimatum sektorit privat/ “Rrisni pagat, nuk bëhet biznes me
Kryeministri Edi Rama

Kryeministri Edi Rama i bëri sot sërish thirrje bizneseve private për rritje të pagave të punonjësve.

Gjatë fjalës së tij në Forumin e Klimës së Biznesit, Rama tha se vendi ndodhet në një kthesë të rëndësishme dhe bizneset private duhet të ndjekin sektorin publik.

Ai theksoi sipërmarrja nuk mund të bëjë biznes me krahun e lirë të punës.

“Dua ta nis me aspektin e pagave dhe me nevojën për të përsëritur domosdoshmërinë se ky është një moment kritik për Evropën pjesë e së cilës ne jemi, dhe për vendin tonë që nuk bën përjashtim nga pjesa tjetër dhe është në një garë që sapo ka filluar. Është një luftë për krahun e punës që ne duhet që me patjetër ta përballojmë, dhe efekteve katastrofike të së cilës ne duhet që ti mbijetojmë në këtë rrugë që ka hyre ekonomia jonë. Është në një moment kthese shumë të rëndësishme.

 Ne kemi rritur në një mënyrë domethënëse pagat në sektorin publik, gjë që nuk e kemi pasur më parë dhe kjo rritje ne jemi të bindur që do të japë efekte pozitiv, por ne shpresojmë që efekti i saj të japë dhe efekt në rritjen e pagës në privat. Sot sipërmarrja e ndjen, me këdo që flet e dëgjon ka mungesë të kapitalit njerëzor të pamjaftueshëm. Nesër sipërmarrja nuk duhet që të vijë në pikën, si i zoti që i vdiq gomari, kur e mësoi që të mos haje. Nuk mund të bëhet biznes me krahun e lirë të punës”, nënvizoi kreu i qeverisë./ CNA.al





Lajmet e fundit nga