web counter
LEXO PA REKLAMA!

SHKARKO APP

App Store
Google Play

E fundit!

x

Rama, fushatë me këngë tallava/ Murrizi: Fatkeqësi! Ai del herë me dajre, herë me rrotë

24 Prill 2023, 20:50, Politikë CNA
Rama, fushatë me këngë tallava/ Murrizi: Fatkeqësi! Ai del
Ish-deputeti Myslim Murrizi

Ish-deputeti Myslim Murrizi ka komentuar këngën tallava të fushatës elektorale të PS-së. Murriz tha kjo nuk është hera e parë që kryeministri Edi Rama zgjedh të bëjë bujë përmes këngëve që përzgjedh në fushatë elektorale.

Ai kujtoi në zgjedhjet e 2013-ës Rama doli me dajre në autobus dhe në zgjedhjet e 2017-ës doli me timon dhe tepsi.

“Në 2013-tën me dajre në autobus, në 2017-tën me timon dhe tepsi, ndërsa në 2021-shin nuk foli fare. Fatkeqësisht shqiptarët nuk duan program. Rama e ka strategji dhe është hera e katërt. Në 2013-tën me dajre në autobus, këndon Rama, këndon Linda, këndonin këta të tjerët. Në 2017-tën me rrotën, më jepni mua timonin tha. Në 2021-shin nuk foli fare, aheng këtu, aheng atje. Kjo fatkeqësisht do të thotë se shqiptarët nuk duan program”, u shpreh Murrizi.

Ai deklaroi se nuk e fajëson kreun e qeverisë, pasi qytetarët e kanë pranuar një gjë të tillë.

“Herë me dajre, herë me rrotë, tani me tre pemë me bisht lopate, kërcen tallava, tra la la. Mirë ky që gëzon se ka vjedhur 2-3 qindra milionë euro, po ajo plaka në Kamëz ça ka që kërcen”, theksoi ai./ CNA.al





Lajmet e fundit nga