web counter
LEXO PA REKLAMA!

SHKARKO APP

App Store
Google Play

Rama: Shumë shpejt do përdorim inteligjencën artificiale për sistemin e prokurimeve

24 Prill 2023, 18:46, Politikë CNA
Rama: Shumë shpejt do përdorim inteligjencën artificiale për
Kryeministri Edi Rama

Qeveria shqiptare po punon për bërë revolucion në sistemin e prokurimeve, duke përfshirë Inteligjencën Artificiale.

Këtë e bëri të ditur vetë kryeministri Edi Rama gjatë fjalës së tij në Forumin e Klimës së Biznesit.

Rama tha se me përfshirjen e Inteligjencës Artificiale, asnjë ministri dhe asnjë Komision i Vlerësimit të Ofertave nuk do të ketë më punë me tendera.

“Shumë shpejt do të materializohet, duke shfrytëzuar inteligjencën artificiale dhe nisur nga një eksperiencë BE në rindërtimin e shkollave pas tërmetit. Dhe procesi i prokurimit i përzgjedhur nga misioni që i ka prokuruar vetë të gjitha fondet është një proces që na ka mësuar shumë dhe nga i cili kemi kuptuar që ne mund të ndërtojmë një rrugë ku nga njëra anë të kemi një aleancë me institucionet dhe nga ana tjetër të kremi programin e inteligjencëns artificale për prokurimit, që do zbrazet nga letra, do mbarojë historia, ke vulën s’ke vulën, ik thaje, na duhet më e njomë, mungon një letër, sepse çdo e dhënë që kërkohet nga kompanitë dhe vlerësim për kompanitë dhe kur prokurimet të zhvillohen.

Kompanitë që janë të njohur publikisht dhe që të dhënat e tyre ndodhen në bazën e çmimit, do të duhet vetëm të çojnë çmimin dhe kjo është e mundur vetëm fale teknologjisë dhe do bëjmë spostimin e trupës, sistemi në një dore një agjenci kombëtare e prokurimeve me disa përjashtime të vogla të natyrës teknike dhe do kontraktojmë partnerë ndërkombëtarë dhe që nga ky moment asnjë ministri dhe asnjë KVO shqiptare, Komision i Vlerësimit të Ofertave, makth i im, që arrestohen për tendera, nuk do kenë më këtë punë se bëjnë mijëra prokurime dhe kemi një numër KVO që është marramendësh. Do jetë një lehtësim i jashtëzakonshëm, njerëzit e KVO do lehtësohen, qeveria dhe Shqipëria do lehtësohen dhe raportet përkatëse do lehtësohen dhe ne do ngjitemi më lartë në vlerësimin në luftën kundër korrupsionit”, deklaroi kreu i qeverisë./ CNA.al





Lajmet e fundit nga