web counter
LEXO PA REKLAMA!

SHKARKO APP

App Store
Google Play

Rama mburr kandidaten e tij në Durrës/ Ani është shalqi me provë

24 Prill 2023, 20:19, Politikë CNA
Rama mburr kandidaten e tij në Durrës/ Ani është shalqi me
Kryeministri Edi Rama

Kryeministri Edi Rama ka mbajtur mbrëmjen e sotme një takim me gratë dhe vajzat në Durrës, në kuadër të fushatës elektorale të 14 majit.

Rama mburri kryebashkiaken dhe kandidaten e tij për Durrësin, Emirjana Sako për punën që ka bërë gjatë mandatit të parë.

Duke iu referuar si Ani, kreu i qeverisë tha se Sako është shalqi me provë, ndaj edhe duhet që durrsakët t’ja japin votën më 14 maj.

“Prapa kësaj pasqyre të pastërtisë qëndron një grua. Unë hera e parë që e kam parë, e pashë në Zoom, i thashë ti gocë merr krevatin dhe shko në shtëpi, se kjo punë pas tërmetit do 24 orë. Por unë e di shumë mirë që ajo shkon vonë në shtëpi, jo sepse shkon në klub, por sepse bredh rrugëve të Durrësit brenda në qytet dhe jashtë qytetit për të kontrolluar pastrimin. Dhe duke menduar kështu, unë besoj se bëhet shumë e thjeshtë zgjedhja, unë besoj se bëhet shumë e thjeshtë për të gjitha gratë e Durrësit, nuk ka rëndësi fare neë janë këtu me ne si anëtare apo simpatizante të PS-së, apo nëse janë me PD-në.

Më thanë këtu kur po vija që unë kam thënë që konkurenti i Anit qenka çun i mirë, unë nuk kam thënë është çun i mirë se nuk e njoh. Unë kam thënë mund të jetë çun i mirë, e po pastaj? Unë nuk kam motër për të martuar, ç’më duhet sesa çun i mirë është. Puna është se në 14 maj populli do zgjedhë kë të marrë në punë. Ani më fal, Anin e kemi shalqi me provë, pse do marrë një kungull që ka dalë nga zorra qorre? Unë e hoqa zorrën time qorre, se e mësova nga operacioni, tani do e marrë Durrësi zorrën qorre?”, theksoi kryeministri./ CNA.al





Lajmet e fundit nga