E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

“S’ke kokërr leku për fushatë”/ “Godet” kandidati i “Frontit të Majtë”: Kam 100 litra raki

25 Prill 2023, 11:24, Politikë CNA

Foto ilustruese

Kandidati i partisë "Fronti i Majtë", Marko Dajti, që kandidon për Bashkinë e Tiranës, ka folur për fushatën dhe zgjedhjet e 14 majit.

I ftuar në emisionin "Të Paekspozuarit", me Ylli Rakipin, i pyetur se si do ta bëjë fushatën pa para, Dajti është shprehur se 100 litra raki që i kanë dhënë në Vlorë i ka për t'ua shpërndarë votuesve.

Pjesë nga biseda

Ylli Rakipi: Pse vendose të kandidosh për Bashkinë e Tiranës?

Marko Dajti: Është kandidaturë revolte, për t’ju hapur sytë socialistëve për të pastruar PS-në nga llumi, siç është pastruar PD-ja, që sot është shumë e pastër. Ky katarsis duhet të bëhet patjetër edhe te PS-ja.

Ylli Rakipi: Si ka mundësi jeni kaq afër me demokratët dhe jo me socialistët?

Marko Dajti: Ne jemi shqiptarë. Aq dinim dikur për demokracinë, ishte prapambetje.

Ylli Rakipi: Duhet të të them një gjë shumë hapur, partitë e tjera hedhin shume lekë në fushatë, të vetat dhe të oligarkëve. Ti pa kokërr leku, si do t’ia bësh? Keni mbledhur donacione nga populli?

Marko Dajti: Ne nuk kemi ku t'i gjejmë paratë, nuk na jep njeri.

Ylli Rakipi: Ndonjë oligark nuk ju jep?

Marko Dajti: As bëhet llaf për këtë. Edhe vetë shteti nuk më ka dhënë asgjë. Kam një historik, por nuk ka dhënë asgjë.

Ylli Rakipi: Asgjë nuk ke mbledhur?

Marko Dajti: Kur partia është futur në zgjedhje s’kam marrë as ato tre milionë lekë, sepse do t'i kërkonin mbrapsht.

Ylli Rakipi: Kur folëm në telefon, më the që të kishte sjellë njëri nga Vlora 100 litra raki që t'ia shpërndash popullit.

Marko Dajti: E kanë në shpirt dhe gjak, sepse e kuptojnë që PS-ja është zhdukur.

Ylli Rakipi: Po ndaji këto ti, sepse lekë nuk ke.

Marko Dajti: Po nga një gotë raki ua japim, patjetër.

Ylli Rakipi: Flamur Noka vendosi të mbështesë një kandidat komunist si puna juaj, kur Flamuri është kokë e këmbë kundër komunizmit. Si ka mundësi?!

Marko Dajti: Flamuri është demorkat i vërtetë. E vlerësoj punën e tij. Unë e kam një lidhje miqësore me të. Partia Socialiste nuk lejonte asnjë të futej në garë, siç bëri në 2019 që i mori të gjitha bashkitë vetë. Flamuri bëri gjestin civil. Unë ia kërkova Flamurit, duke parë që Edi Rama nuk kishte lënë hapësirë që ne të kandidonim, ishte shumë e vështirë, ia kërkova Flamurit dhe ai u tregua i gatshëm, ma dha./ CNA.al