web counter
LEXO PA REKLAMA!

SHKARKO APP

App Store
Google Play

E fundit!

x

Nga njohja te sakrificat/ Belind Këlliçi dhe Anna Shkreli rrëfejnë historinë e dashurisë

25 Prill 2023, 19:01, Politikë CNA
Nga njohja te sakrificat/ Belind Këlliçi dhe Anna Shkreli
Kandidati për Bashkinë e Tiranës, Belind Këlliçi dhe partnerja e tij Anna Shkreli

Kandidati për Bashkinë e Tiranës, Belind Këlliçi dhe partnerja e tij Anna Shkreli rrëfyen këtë pasdite historinë e tyre të dashurisë.

Anna Shkreli dhe Belind Këlliçi folën për raportin e tyre, momentet e bukura e të vështira, dhe interesat që të dy kanë.

Kandidati i koalicionit “Bashkë Fitojmë” tha se me Annën u njohën përmes miqve, gjatë kohës që ajo ishte studente në Itali.

“Unë quaj ditën e parë  që u prezantuam përmes miqve të përbashkët, Anna ishte studente në Itali në atë kohë e ndërkohë unë isha kthyer, isha me punët e mia, sa kisha filluar në njëfarë mënyre edhe jetën edhe karrierën time politike në Tiranë dhe unë quaj këtë njohje të parë. Kurse Anna quan momentin kur jemi ulur realisht dhe kemi patur një bisedë të  gjatë me njëri-tjetrin”, u shpreh ai.

Ndërkohë, partnerja e kandidatit për Tiranën, tha se marrdhënia e tyre ka kaluar në provën e durimit, të pritjes, dhe është konsoliduar gjithnjë e më shumë.

Nga njohja te sakrificat/ Belind Këlliçi dhe Anna Shkreli

“Historia ime me Belindin është një histori interesante sepse për mua është një histori që dëshmon faktin se sa e rëndësishme është që dikë edhe të dish ta presësh në njëfarë mënyre sepse unë  kam qenë në Itali, pastaj jam kthyer shumë shkurt në Shqipëri, pastaj kam ikur prapë në Angli ku edhe siç e rrëfente edhe inserti, pastaj kam kryer eksperiencat e mia master dhe eksperiencat e mia me radhë. Në njëfarë mënyre, kjo është një marrëdhënie njerëzore e cila nuk ka ecur përpara duke u nxituar për të arritur diku, kjo është shumë e rëndësishme, më kupton. Është një marrëdhënie që ka ditur të presë dhe ka ditur t’i përballojë edhe ditët e mira, edhe ditët e këqija”, u shpreh Anna.

Nga ana tjetër Këlliçi deklaroi se: “Edhe unë kam ditur të pres, me thënë të drejtën. Prita Annën që të diplomohej në Itali dhe të mbaronte studimet e veta në Itali. Ka qeenë një moment i vështirë kur Anna më komunikoi më pas që donte, e kishte marrë vendimin që të shkonte në Angli për të bërë masterin. Sigurisht nuk është se e prita shumë, shumë mirë në aspektin tim personal por ishte diçka, një eksperiencë që Annës i duhej patjetër dhe ishte ëndrra e saj që të ikte për master në Angli.”

Nga njohja te sakrificat/ Belind Këlliçi dhe Anna Shkreli

Ndërkohë, Anna Shkreli rrëfeu se partneri i saj e ka mbështetur në çdo hap që ka hedhur dhe nuk ia ka përmendur asnjëherë sakrificat e dashurisë.

“Pavarësisht se Belo mund mos ta ketë marrë si lajmin më të mirë të mundshëm, ai asnjëherë nuk ma peshoi këtë gjë. Asnjëherë nuk më tha që jo mos shko, as nuk bëhet fjalë, por as nuk më tha që mund të mërzitej. I vetmi reagim që pati pak më emocional ishte që më ka shkruar një letër para se unë të ikja të cilën unë e kam akoma dhe vetëm kjo, por aspak që unë të ikja me kokën mbrapa apo të mendoja që… Nuk kishte një reagim egoist dhe okej, që ti do ta shohësh tjetrin të rritet dhe nëse është e thënë të jetë, do jetë”, nënvizoi ajo./ CNA.al





Lajmet e fundit nga