LEXO PA REKLAMA!

SHKARKO APP

Bejko shpalos programin për kulturën/ U premton mbështetje artistëve

25 Prill 2023, 18:32, Politikë CNA

Bejko shpalos programin për kulturën/ U premton mbështetje

Kandidati i PD-së së Alibeajt për Bashkinë e Tiranës, Roland Bejko zhvilloi një vizitë në ekspozitën me punime nga disa artistë të rinj në praninë e regjisorit Armand Bora dhe Gjergj Hani.

Gjatë vizitës u ndal edhe në programin për kulturën në Tiranë dhe  premtoi mbështetje për artistët.

Bejko tha se Bashkia do dalë garant për kredi në mbështetje të artistëve dhe do të ndërmjetësoje me bankat e nivelit të dytë për projektet kulturore që do të aprovohen nga Bashkia.

Pikë tjetër e programit është përfshirja e të gjithë qytetarëve në aktivitetet e artit dhe kulturës, ndonëse nuk kanë mundësi.

Kjo do të mundësohet përmes një karte të kulturës, që do të mundësohet për të gjithë maturantët, studentët, pensionistët, njerëzit me aftësi ndryshe, si edhe për ata që s’kanë mundësi financiare.

"Një qytet pa artin, pa kulturën është i vdekur. Nuk ekziston. Nuk quhet qytet, sepse këta ia japin kuptimin se, arti dhe kultura janë shpirti. Infrastruktura murale, komunale etj, thjesht nxjerrin një mjedis banimi. Arti i jep jetë atij mjedisi banimi dinamikë, krijon ekuilibra socialë, zbut konfliktet.

Ne jemi për një Tiranë policentrike. Do të thotë që policentrizmin ne duam ta shtrijmë në të gjitha nivelet, jo thjesht në çështjet e ndërtimit apo të urbanistikës së qytetit. Policentrizmi duhet të jetë edhe në çështjen e shtrirjes së artit. Ne të gjithë kemi jetuar jashtë, e kemi parë, në vendet perëndimore se art ka në çdo lagje. Aty madje kreatorët, krijuesit e artit, janë të mbështetur nga bashkitë sepse është një shtresë sociale e brishtë. Artisti nuk ka detyrimisht dellin  e biznesmenit. Dhe në këtë kontekst artisti dështon kollaj, sepse artisti gjërat i vlerëson me zell, me shpirt, me idealizëm etj. Ndërsa biznesmeni është i ftohtë, është i qartë”, tha ai./CNA.al

Lajmet e fundit nga