web counter
LEXO PA REKLAMA!

SHKARKO APP

App Store
Google Play

Shkarkimi i Ilir Rusmajlit/ Berisha zbulon prapaskenat, çfarë i premtoi Rama

25 Prill 2023, 22:35, Politikë CNA

Shkarkimi i Ilir Rusmajlit/ Berisha zbulon prapaskenat, çfarë i

Drejtuesi i koalicionit “Bashkë Fitojmë”, Sali Berisha ka treguar arsyen pse ka shkarkuar ish zëvëndeskryeministrit Ilir Rusmajli.

Berisha tha se Rusmajli mori vendim për të shkarkuar drejtorin e Burgjeve për shkak se vëllai i tij nuk fitoi tenderin për të cilin ishte futur në garë.

Në një intervistë për gazetarin Endri Xhafo, Berisha tregoi se Rusmajli kishte urdhëruar shkarkimin e drejtorit kur ai do të largohej jashtë shtetit.

“Sali Berisha është Sali Berisha. Ai sillet në këtë mënyrë sepse është larguar për korrupsion nga detyra e zv kryeministrit. I kam thënë paraqit dorëheqjen por largimi i tij ka qenë vendim i prerë i Sali Berishës ndaj një njeriu që shkeli në mënyrë flagrante dhe korruptive ligjin. Drejtori i Përgjithshëm i Burgjeve hap një tender dhe në tender shkon i vëllai i Ilir Rusmajlit. Dhe drejtori e regjistron. Kur e kërcënonte me të vëllanë zv kryeministër. Kjo është historia. Iliri shkarkoi drejtorin në kundërshtim me ligjin. Ndodhi që ditën që ndodhi skandali duhet të nisesha në drekë jashtë, Ilir Rusmajli në mënyrë jashtë kontrollit të vetes e mori dhe e shkarkoi në kohën kur ishte kompetencë e kryeministrit. U ktheva, ai mori një shkarkim”, tha Berisha

Ndër të tjera, Berisha tha se të gjitha veprimet e Rusmajlit, i cili tashmë është anëtar i KAS, kundrejt tij vijnë pasi Rama i ka premtuar se do ta vendosë në krye të Avokatit të Popullit.

“Kjo është vepër e Edi Ramës sepse i ka premtuar që do ta bënë avokat të popullit. Kanë rënë dakord që ai të marrë këto vendime dhe ta çojë në krye të avokatit të popullit”, shtoi ai./CNA.al





Lajmet e fundit nga