"Primaret" në Pogradec/ Nënkryetari i Degës së PD-së shpall kandidaturën

14 Nëntor 2022, 14:40, Politikë CNA

"Primaret" në Pogradec/ Nënkryetari i Degës së

Nënkryetari i Degës së Partisë Demokratike në Pogradec, Oligert Muçllari, ka shpallur kandidaturën në "Primare".

Ai shprehet se Bashkia e Pogradecit meriton dinjitet dhe duhet të qeveriset me dinjitet.

"Bashkia Pogradec nuk mund të jetë shërbëtore vetëm e një pjese shumë të vogël pranë saj, por përkundrazi, duhet të kryejë me përgjegjshmëri detyrat e saj dhe t’u shërbejë qytetarëve në të katër anët e territorit të saj."- shprehet ai përmes një statusi në "Facebook".

Fjala e plotë:

Të dashur qytetarë të Pogradecit, të dashur anëtarë dhe simpatizantë të Partisë Demokratike.
Kam kënaqësinë të ndaj me ju lajmin për të kandiduar në PRIMARET e Partisë Demokratike.Është një privilegj, por edhe përgjegjësi e madhe që këtë vendim ta ndajmë sëbashku, dhe sigurisht po sëbashku të ndajme garën dhe emocionet deri në fitoren e zgjedhjeve të 14 Majit.
Sakrificat e demokratëve, sakrificat tuaja këto 10 vite janë një motiv shumë i madh që ne sebashku me qytetarët e Pogradecit të çojmë misionin tonë të fitores deri në fund.
Pogradeci nuk mund të mbetet akoma peng i një grupi të vogël klientelist pranë kryetarit të bashkisë.Ai meriton dinjitet dhe duhet të qeveriset me dinjitet.
Bashkia Pogradec nuk mund të jetë shërbëtore vetëm e një pjese shumë të vogël pranë saj, por përkundrazi, duhet të kryejë me pergjegjshmëri detyrat e saj dhe t’ju shërbeje qytetarëve në të katër anët e territorit të saj.
Bashkia duhet t’i kthehet misionit të saj, misionit për të cilin është votuar, dhe jo të ketë si mision të saj zhvatjen, korrupsionin, presionin dhe papërgjegjshmërine e saj për të administruar dhe qeverisur.
Bizneset dhe qytetarët janë bërë më të varfër nga kjo bashki.Vetëm tre vitet e fundit taksat dhe tarifat janë trefishuar, dhe e gjithe kjo rritje është në kurriz të biznesit dhe qytetarëve.Sigurisht që rritja e varfërisë ka si shkak kryesor keqqeverisjen dhe abuzimin me lekët e qytetarëvë, sepse të gjitha të ardhurat përqëndrohen vetëm në një grup klientelist pranë kryetarit të bashkisë.
Keqqeverisja është në nivele maksimale, aq sa Bashkia Pogradec rrezikon të merret nën administrim nga Ministria e Financave.E gjithë kjo situatë ka një përgjegjës: Kryetarin e Bashkisë z.Ilir Xhakolli.
Kjo situatë duhet të ndryshojë dhe do të ndryshojë.
Të dashur antarë dhe simpatizantë të Partisë Demokratike, të gjithë ne sëbashku do të jemi në mision për të çliruar bashkinë e uzurpuar pa zgjedhje në 2019, dhe do t’ja kthejme atë qytetarëve të saj.
Duke ju falenderuar me mirënjohje,
Oligert Muçllari/CNA.al