web counter
LEXO PA REKLAMA!

SHKARKO APP

App Store
Google Play

E fundit!

x

“Nuk ndalemi gjer në përmbysjen e sistemit”/ Paralajmëron Berisha

14 Nëntor 2022, 12:22, Politikë CNA

“Nuk ndalemi gjer në përmbysjen e sistemit”/

Kreu i PD-së, Sali Berisha, ka falënderuar të gjitha ata që morën pjesë në protestë, duke shënuar kështu sipas tij një kthesë të madhe.

Berisha ka paralajmëruar se nuk do të ndalen më deri në përmbysjen e sistemit.

“Përshëndetje të përzemërta, mirënjohjen më të pakufishme për ata qindra-mijëra, burra, gra, djem dhe vajza, nga Tirana, por edhe të katër anët e Shqipërisë, nga emigracioni dhe diaspora, që me praninë e tyre në protestën më madhështore, më të fuqishme që ka njohur Tirana në tërë historinë e saj, firmosën aktin e kthesës së madhe, të popullit opozitar, inauguruan fillimin e një beteje, e cila nuk ndalet më gjer në përmbysjen e sistemit monist, gjersa shqiptarët të votojnë të lirë, njëlloj si qytetarët europiane.

Gjersa shqiptarët të mos vidhen në mënyrë të tmerrshme nga një qeveri që nuk ka as ligje dhe as moral.

Gjersa shqiptarët të mos varfërohen dhe mjerohen nga muaji në muaj.

Gjersa shqiptarët të mos mbeten populli i gomoneve siç i ka shndërruar Edi Rama.

Protesta e 12 nëntorit ishte zeniti i protesave, krahasuar me numrin e popullatës, e protestave në botë.

Ajo dridhi themelet e një monizmi që bazohet në vjedhjen e votës, vjedhjen e fondeve publike, vjedhjen e pasurive publike nga Edi Rama. Bazohet në frikën, shantazhin, drogën dhe krimin.

Ai ishte mesazhi më i shkëlqyer që qytetarët fisnikë të Tiranës dhe mbarë Shqipërisë, u dërguan shqiptarëve kudo që janë. Ata u dërguan atyre mesazhin e shpresës, mesazhin e besimit, mesazhin ne fitores”, është shprehur Berisha./CNA.al





Lajmet e fundit nga