web counter
LEXO PA REKLAMA!

SHKARKO APP

App Store
Google Play

E fundit!

x

"Miu i zhbalancimit të pushteteve u kthye në ujk"/ Rama reagon sërish për pezullimin e Ballukut

4 Dhjetor 2025, 15:02, Politikë CNA

"Miu i zhbalancimit të pushteteve u kthye në ujk"/ Rama

Kryeministri Edi Rama ka bërë një tjetër reagim për pezullimin nga detyra të Belinda Ballukut.

Me anë të një videoje të shpërndarë në rrjetet sociale, Rama është ndalur te deklarata e tij e mëparshme se është pezulluar marrëveshja me Kanadanë për fluturimet ajrore.

Kryeministri tha se përveç kësaj janë bllokuar dhe 35 vendime të tjera, pasi të drejtën e firmës e ka vetëm ministrja dhe nuk mund ta delegojë.

Më tej, kryeministri tha se miu i zhbalancimit të pushteteve me pezullimin e një ministri pa vendim të formës së prerë, do të kthehej në ujk.

Rama tha se ankimimi i qeverisë në Kushtetuese nuk ka të bëjë me emrin e vetë ministrit.  

 

“Mbase është shumë e tepërt, por shembujt që unë sjell janë për të thënë se sa i tepërt është pezullimi i një ministri. Sepse faktikisht ndryshe nga çdo funksionar tjetër politik, ministri i pezulluar jo vetëm që nuk firmos dot vetë asgjë, por askush tjetër nuk firmos dot në emër të dikasterit. Sepse Kushtetuta ia jep minsitrit dhe vetëm atij autoritetin ekskluziv, të padelegueshëm tek askush tjetër. Prandaj dhe pezullimi i ministrit është absurd si koncept, sepse është bllokim i krejt zinxhirit vendimmarrës për krejt sektorët që ministri mbulon.

Ndër gjërat që janë bllokuar nga pezullimi deri tani është dhe marrëveshja me Kanadanë për fluturimet ajrore të cilën po mundohemi tani ta zgjidhim me Ministrinë e Jashtme.

Po me 35 vendimet e tjera të qeverisë si do ia bëjmë? Po me lejet e ndërtimit për investimet në energji të rinovueshme, në infrastrukturë, në godina publike që kanë kalaur në KKT dhe nuk zbardhen dot pa firmën e pezulluar. Si do ia bëjmë? Këto janë punë të bllokuara që do të shtohen përditë. Prandaj dhe unë kam shkuar në Gjykatën Ksuhtetuese. Sepse nuk jam këtu për të folur për parimin e moscenimit të balancës së pushteteve teorikisht. Unë nuk flas teorikisht dhe as nuk jam këtu të ndërhyj në punën e prokurorit dhe gjykatësit në fjalë.

Unë flas për cenimin konkret të balancës mes pushteteve, për ndërhyrjen konkrete brutale në ndërhyrjen e qeverisë. Për marrjen konkrete të kompetencave të që Kushtetuta ia jep kryeministrit. Dhe nuk thotë gjëkundi se ato mund t’i përdorin sipas qejfit apo nevojës dhe prokurorët dhe gjykatësit. Edhe më konkretisht, flas se si prekja e gjithë këtyre bllokon punët në sektorin përkatës, ku hyn dhe ajo marrëveshja me Kanadanë që përmenda dje. E përmenda sepse më vjen plasja që u bë kaq kohë që përpiqemi të hapim ato fluturime transoqeanike me Shqipërinë dhe një marrëveshje e parë fantastike për shumë shqiptarë që jetojnë në Kanada. Dhe kjo marrëveshje na bllokohet sepse na del ky shkop në rrota. Sa shpjegova i jep përgjigje dhe pyetjes sepse nuk e shkarkon ky ministren. Jo sepse heqja e ministrit në këtë rast nuk do të zgjidhte këtë problem themelor por do krijontë një tjetër problem themelor për të nesërmen, jo vetëm për mua, por për çdo qeverisje nesër. Miu i zhbalancimit të pushteteve do të kalonte në mustaqe me idenë se ministrat mund të hiqen pa gjyq, pa vendim të formës së prerë, pa dorëheqje, pa vendim të kryeministrit, thjesht mjafton një masë sigurie të një Gjykatë të shkallës së parë, do të kthehej në ujk. Do kafshonte qeveritë, do përbuzte parlamente, do të përqeshte votën popullorë nga ku buron përbërja e çdo qeverie. Ja pse kam shkuar në Gjykatë Kushtetuese dhe ja pse kjo beteje aspak politike, për të hequr të parin pezullim në botë të një ministri me një vendim gjykate, nuk ka asnjë lidhje me emrin e vetë ministrit”, tha Rama./CNA

 





Lajmet e fundit nga