web counter
LEXO PA REKLAMA!

SHKARKO APP

App Store
Google Play

“Partnerët nuk i besojnë më Shqipërisë”, Zhupa: Me këtë qeveri, bashkëpunojnë vetëm ato si Federica Mogherini

4 Dhjetor 2025, 12:41, Politikë CNA

“Partnerët nuk i besojnë më Shqipërisë”,

Deputetja e PD-së, Ina Zhupa, ka marrë fjalën e saj në Kuvend për ndërprerjen e marrëveshjes së qeverisë shqiptare me fondacionin gjerman “Hanns-Seidel”. Zhupa tha se është një nga rastet që tregon se ndërkombëtarët nuk duan të bashkëpunojnë me qeverinë shqiptare.

Sipas deputetes, me qeverinë shqiptare bashkëpunojnë vetëm ndërkombëtarët si Federica Mogherini që paguhen me para për t’i bërë lavde qeverisë.

“Ky është një rast ku partnerët nuk i besojnë më Shqipërisë. Ku ndërkombëtarët nuk bashkëpunojnë më me Shqipërinë. Kjo nuk ndodh për shkak të një agjende të një fondacioni. Është sepse lexojnë raportet për Shqipërinë, shikojnë rekordet e lidhura me korrupsionin, drogën dhe krimin, për të kuptuar se nuk ia vlen të bashkëpunosh me qeverinë shqiptare. Me qeverinë shqiptare bashkëpunojnë vetëm ato të llojit të vet. Këtë e tregoi rasti i Federica Mogherini-t. Kjo merr miliona euro nga shteti shqiptar, që nuk investon. I dhurohen godina nga Këshilli Bashkiak i Tiranës. Vetëm për ta mbajtur mirë me këta ndërkombëtarë të korruptuar. Flasin broçkulla për qeverinë shqiptare sepse paguhen me taksat e shqiptarëve”, tha Zhupa. /CNA





Lajmet e fundit nga