web counter
LEXO PA REKLAMA!

SHKARKO APP

App Store
Google Play

E fundit!

x

“Emër që vjen nga opozita”/ Balla: Ja cilin kandidat do votojë PS-ja për Avokatin e Popullit

3 Dhjetor 2025, 22:23, Politikë CNA

“Emër që vjen nga opozita”/ Balla: Ja cilin kandidat do

Kreu i Grupit të Partisë Socialiste, Taulant Balla u shpreh sot lidhur me emrin që do të votohet për të marrë detyrën e Avokatit të Popullit.

I ftuar në emisionin “Opinion” me gazetarin Blendi Fevziu, Balla tha se norma kërkon që në këtë detyrë të jetë një emër që vjen si propozim nga opozita.

Sipas Ballës, për Partinë Socialiste është e rëndësishme që të jetë një figurë që nuk ka asnjë lidhje me mazhorancën.

“Në ditën e parë të fillimit të procesi kemi marrë vendim që asnjë deputet i PS-së të mos mbështesë me firmë asnjë kandidat, sepse nuk na takon ne. Duhet të vijë nga opozita. Jo vetëm në respekt të ligjit, por të normës parlamentare. Ndoshta bëhet një marrëveshje si e 17 majit. Ky është i vetmi vendim. Dje ishte mbledhje e radhës e grupit, ku kam thënë në mënyrë nominale nëse ka firmosur ndonjë prej tyre. Pasi pamë ata që kanë ardhur si emra nga opozita, pasi nuk kanë ekskluzivitetin e opozitës. Padyshim që do ketë një vendim. Të martën në datë 9 do të mbahet mbledhja e grupit dhe do të vendoset. Nuk je i detyruar të vototsh në seancë sepse janë të fshehta. Kam 83 vota si grup i PS-së, duhet edhe një votë. Unë përgjigjem për 83 votat që ka PS-ja. Besoj se Kuvendi ka edhe të tjera forca politike që nuk do të bojkotojnë procesin. Rama nuk do të emri të jetë i lidhur me mazhorancën aktuale, se mund të gjenim emrat dhe votat. Unë mendoj se nuk duhet të jetë figurë që të jetë i lidhur me PS-në dhe nuk duam kurrsesi që të përdorim forcën e kartonave që ta përdorim këtë institucion”,-tha Balla./CNA





Lajmet e fundit nga