web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Mogherini dhe Rama, të përfshirë në skandalin 17 milionë euro të Kolegjit Europian në Tiranë

3 Dhjetor 2025, 11:49, Politikë CNA

Berisha: Mogherini dhe Rama, të përfshirë në skandalin 17

Kryetari i Partisë Demokratike, Sali Berisha, po zhvillon sot një konferencë për media. Berisha ka folur për ndalimin e Federica Mogherini-t nga autoritetet belge, si pjesë e një hetimi për mashtrim që përfshinte Shërbimin Europian të Veprimit të Jashtëm dhe Kolegjin e Europës.

Kryedemokrati u shpreh gjatë fjalës së tij se Mogherini bashkë me kryeministrin Edi Rama janë të përfshirë në atë që e quajti “skandali 17 milionë euro i Kolegjit Europian në Tiranë”.

“Me një marrëveshje të fshehtë me qeverinë shqiptare, që nuk është publikuar sepse është korruptive, është vendosur të ndërtohet me 17 milionë euro të taksapaguesve shqiptarë kampusi i Kolegjit Bryzh duke marrë pikërisht për këtë qëllim truallin e parashikuar për ndërtimin e kampusit të studentëve të Universitetit të Tiranës, për të cilin ekzistonte edhe projekti i kampusit.

Po kështu për të vazhduar vjedhjen e parave, Federica Mogherini dhe Ramaduro e vlerësimet e tyre kanë fryrë për interesa korruptive koston e jetesës për studentët e Kolegjit Europian në Tiranë dhe kanë caktuar si bursë shumën 27 mijë euro kundrejt 29 mijë eurove që është shumë për studentët që studiojnë në Belgjikë në Kolegjin e Bryzhit.

Ndërkohë që rroga mesatare në Shqipëri është 5 herë më e ulët se rroga mesatare në Mbretërinë e Belgjikës.

Përveç këtyre, me një marrëveshje sekrete që në kundërshtim me ligjin nuk u publikua kurrë, është ndryshuar duket edhe destinacioni i Piramidës, e cila me një shumë prej 16 milionë eurosh, u rikonstruktua për të funksionuar si qendër e teknologjisë së lartë për të rinjtë shqiptarë, por sipas njoftimeve të medias del se i është dhënë Kolegjit Europian në Tiranë, në përdorim apo në pronësi, këtë askush nuk e di”, tha Berisha. /CNA





Lajmet e fundit nga