web counter
LEXO PA REKLAMA!

SHKARKO APP

App Store
Google Play

E fundit!

x

Erion Braçe bën opozitarin: Banorëve të Njësisë 5 u është mohuar shërbimi shëndetësor

2 Dhjetor 2025, 17:25, Politikë CNA


Deputeti Erion Braçe ngriti sot në Kuvend shqetësimin për mungesën e shërbimeve shëndetësore në Njësinë Administrative nr. 5 në Tiranë, duke e cilësuar situatën të papranueshme dhe një shkelje të të drejtës bazë për kujdes shëndetësor.

Braçe theksoi se njësia me rreth 20 mijë banorë nuk ka një poliklinikë funksionale, por vetëm disa ambulanca të improvizuara në katet e para të pallateve, të cilat sipas tij nuk plotësojnë as kushtet minimale për ofrim shërbimi.

Sipas deputetit, një nga ambulancat më kryesore në zonë është mbyllur dhe zhvendosur më larg, duke e bërë edhe më të vështirë aksesin për të moshuarit. Ai theksoi se pensionistët detyrohen të përshkojnë hapa nga Pallati me Shigjeta deri te shkolla ‘Vasil Shanto’” për të marrë shërbimet bazë.

“Banorëve të moshuar të Njësisë 5 u është mohuar shërbimi shëndetësor,” u shpreh Braçe, duke kërkuar ndërhyrje të menjëhershme nga institucionet përgjegjëse për rikthimin dhe përmirësimin e shërbimit.

“Dua të ngre shqetësimin për shëndetësinë. E drejta për shërbim shëndetësor është jetike. Këtu ka plot që banojnë në njësinë 5 dhe është shqetësim për shërbimin shëndetësor.

Nuk ka poliklinikë por ambulanca të vendosura në katet e para të pallateve. Një nga ambulancat që është më kryesore është mbyllur dhe është vendosur më tutje.

Pensionistët duhet të bëjnë mijëra hapa për të shkuar nga Pallati me Shigjeta deri te shkolla Vasil Shanto. Këtyre të moshuarëve në këtë njësi që ka 20 mijë banorë i është mohuar shërbimi shëndetësor”, tha Braçe./ CNA





Lajmet e fundit nga