web counter
LEXO PA REKLAMA!

SHKARKO APP

App Store
Google Play

Skandaloze/ Tabaku vjedh propozimin ligjor të Ina Zhupës

2 Dhjetor 2025, 15:45, Politikë CNA

Jorida Tabaku është kthyer në një “grabitëse” e propozimeve ligjore. Pasi nuk pati guximin e mjaftueshëm për të garuar për Tiranën, pasi nuk donte të lëshonte karrigen e deputetes, tani është kapur mat duke vjedhur idetë e kolegeve të saj brenda partisë.

Bëhet fjalë për një propozim për një ndryshim ligjor për dhunuesit e gazetarëve për veprën penale të goditjes për shkak të detyrës, dhe kanosjes për të njëjtat motive, duke propozuar dënim të autorëve nga 1 deri në 5 vjet.

Atë që Jorida Tabaku sot e shet si një propozim të sajin, nuk është asgjë më shumë sesa një “vjedhje” që mban firmën e saj.

E turpshme është se si Jorida Tabaku i vjedh propozimin koleges së saj dhe në asnjë moment nuk e përmend.

Tabaku e ka bërë këtë propozim në 12 nëntor të vitit 2025, ndërsa deputetja Ina Zhupa e ka bërë këtë propozim dy vite më parë, në shkurt të vitit 2023.

Skandaloze/ Tabaku vjedh propozimin ligjor të Ina Zhupës
Propozimi i bërë nga deputetja Ina Zhupa në shkurt të 2023
Skandaloze/ Tabaku vjedh propozimin ligjor të Ina Zhupës
Propozimi i kopjuar nga deputetja Jorida Tabaku

Ky është një akt i turpshëm, edhe politikanët duhet të kenë turp.

Çfarë problemi ka që Jorida Tabaku thekson se ky është një propozim i bërë më parë nga kolegia e saj?  

Ky lloj qëndrimi ushqen një problem të vjetër të politikës shqiptare, modën e përvetësimit pa meritë, ku përpjekja për të marrë lavdi politike vlen më shumë sesa koherenca dhe etika profesionale.

Më e pakta që pritet nga një figurë publike është të tregojë korrektësi bazike, të pranojë burimin e një ideje, të dëshmojë bashkëpunim dhe të japë shembull se politika mund të funksionojë mbi parime, jo mbi kalkulime të vogla personale.

Dhe, ky është rasti i Jorida Tabakut, që propozimet ligjore të tjerëve do t’i prezantojë si të vetat. Ky nuk është gjë tjetër veçse një turp për zonjën Tabaku./ CNA





Lajmet e fundit nga