web counter
LEXO PA REKLAMA!

SHKARKO APP

App Store
Google Play

“Duhet garë e hapur”/ Analisti: Lidershipi i Berishës mund të sfidohet vetëm përmes “rrugës së fortë”

1 Dhjetor 2025, 21:58, Politikë CNA

“Duhet garë e hapur”/ Analisti: Lidershipi i Berishës mund

Analisti Fatos Lubonja ka kometuar situatën brenda Partisë Demokratike, teksa këtë të hënë u zhvillua protesta e tretë e “Foltores”.

Në një studio televizive, Lubonja u shpreh se kryedemokrati i njeh mjaft mirë problemet brenda partisë, por nuk dihet sa besim kanë shqiptarët të ata që mund të konsiderohen si emra të mundshëm për lidershipin e ri.

Sipas analistit, lidershipi i Berishës mund të sfidohet në dy forma, përmes “rrugës së butë” dhe “rrugës së fortë”.

 “Nuk thonë shqiptarët ‘na duhet më shumë demokraci’, por thonë ‘kush është lideri që mund t’i japim pushtetin’. Kjo është logjika e popullit të thjeshtë.

Loja është: çfarë do bëjë Berisha? Sa besim ka Berisha tek këta? A arrijnë këta të krijojnë besim si lidership i ri? A mund të ruhet uniteti dhe të ndryshohet lidershipi? Kjo duhet diskutuar në mënyrë më transparente në strukturat e partisë, të cilat nuk po mblidhen.

Lidershipi i Berishës mund të sfidohet në dy forma. E para, “rruga e butë”, përmes sugjerimeve dhe ndërgjegjësimit gradual, ku Berisha mund të tërhiqet vetë. E dyta, “rruga e fortë”, që përfshin sfidim direkt dhe garë të hapur brenda partisë, diçka që, sipas tij, PD-ja nuk e ka të ndërtuar në mënyrë funksionale.

Intuita ime thotë se këta do të dështojnë me rrugën e fortë. Do u thonë që janë blerë nga Rama, etj. Rrugën duhet ta gjejnë vetë, përmes transparencës në parti. Berisha e njeh këtë problem, nuk është se nuk e njeh”,-tha Lubonja./CNA





Lajmet e fundit nga