web counter
LEXO PA REKLAMA!

SHKARKO APP

App Store
Google Play

E fundit!

x

Foltorja para Kryeministrisë/ Berisha: Nuk jam naiv të mendoj se mund të rrëzoj Ramën

1 Dhjetor 2025, 13:39, Politikë CNA

Foltorja para Kryeministrisë/ Berisha: Nuk jam naiv të mendoj se mund

Kryetari i Partisë Demokratike, Sali Berisha, është shprehur në konferencën e sotme për gazetarët se tubimet para Kryeministrisë do të vijojnë edhe në ditët në vazhdim. Berisha e cilësoi këtë si një betejë për t’u rikthyer qytetarëve votën e lirë.

I pyetur nëse me foltoren e ngritur para Kryeministrisë pretendon të rrëzojë Edi Ramën, Berisha tha se nuk ishte naiv për ta menduar këtë. Më tej tha se foltorja është zëri i qytetarëve dhe parlamentarëve kundër kësaj qeverie.

“Prandaj ne ngulëm platformën para Kryeministrisë, se Rama është kryehajduti. Nuk ikim, aty jemi. Ne këtë betejë e kemi vendimtare, sepse ne jemi në një autokraci, në një diktaturë autoritare. Ne kemi filluar analizën, por i garantoj se tani strategjia jonë është betejë vendimtare për t'u rikthyer shqiptarëve votën e lirë. Ne nuk tërhiqemi, ne e kemi filluar atë.

Por kemi gjykuar se kjo është një foltore që po funksionon dhe do të funksionojë. Nuk kërkojmë asgjë tjetër vetëm që qytetarët shqiptarë të japin votën e tyre të lirë. Tani është prova jonë. Jo, nuk mendoj se do ta rrëzoj Edi Ramën me foltore, nuk jam naiv. Foltorja është zëri i qytetarëve dhe parlamentarëve kundër kësaj qeverie”, tha Berisha. /CNA 





Lajmet e fundit nga