E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Berisha: Bashkimi i PD-së ishte i domosdoshëm për të mbrojtur partinë nga armiqtë

29 Nëntor 2025, 13:43, Politikë CNA

Berisha: Bashkimi i PD-së ishte i domosdoshëm për të

Kreu i PD-së, Sali Berisha, deklaron se bashkimi i Partisë Demokratike ishte një vendim i domosdoshëm për mbrojtjen e partisë nga ata që, sipas tij, synonin zhdukjen e saj.

“PD-ja nuk meritonte t'u dorëzohej armiqve të saj, dhe përpjekjet për bashkim ishin më të duhura,” tha Berisha, duke theksuar se edhe gjatë 333 ditëve që qëndroi i arrestuar në shtëpi kishte një projekt politik, të cilin, sipas tij, nuk do ta ndryshonte rezultatin e zgjedhjeve përballë Edi Ramës.

Ai shtoi se beteja e tij nuk ishte e thjeshtë, por një luftë për ekzistencën e PD-së, duke akuzuar kryeministrin Rama dhe duke theksuar ndërhyrjen e fondacionit të George Soros në politikën shqiptare.

Berisha theksoi gjithashtu se, edhe pse kishte mundësinë të rithemelonte një forcë politike të re, nuk mund të pranonte që PD të largohej nga idealet dhe programi i demokratëve.

“Përpjekjet për bashkim ishin përpjekjet më të duhura dhe padyshim kishin një çmim, por nuk mund të pranoja kurrë që PD të transformohej në një parti jashtë idealeve dhe programit të demokratëve,” tha Berisha.

“Sigurisht arrestimi im në shtëpi për 333 ditë ishte një kohë shumë e çmuar dhe unë nuk isha pa projekt. Unë kisha një projekt, i cili ju garantoj se edhe po ta zbatoja, përsëri me Edi Ramën zgjedhje nuk fiton opozita. Por do ta zbatoja, kisha një projekt.

Nuk mendoj se është bërë gabim që u bashkuam, nuk mendoj. Bashkimi ishte, siç e patë dhe ju vetë kundërpërgjigje ndaj asaj përpjekjeje për zhdukjen e PD-së nga një bastard i xhelatëve të diktaturës, siç është Edi Rama.

Edi Rama, pasi me Xhorxh Sorosin bëri gjithçka që të më arkivonte mua në politikë, u vërsul pastaj që të kontrollonte PD-në me çdo kusht me ndihmën e shërbëtorëve të Sorosit.

Pra, ajo betejë nuk ishte një betejë e thjeshtë, ajo ishte një betejë për ekzistencën e PD-së.

Sali Berisha kishte një rrugë tjetër, të rithemelonte një forcë politike të re, por nuk e meritonte PD-ja kurrë atë. Nuk meritonte PD-ja t'ua dorëzonte armiqve të saj këtë forcë politike. Jo.

Sepse sot edhe paraardhësi që pyeti, harron një gjë. Terrori politik ndaj opozitës nuk është një moment inkurajimi për qytetarët, përkundrazi, është një moment terrori për qytetarët dhe në këtë kontekst përpjekjet për bashkim ishin përpjekjet më të duhura. Dhe pa diskutim që ato kishin një çmim, e pohoj, por nuk mund të pranoja kurrë që PD të transformohej në një parti jashtë idealeve dhe programit të demokratëve”, tha Berisha.