web counter
LEXO PA REKLAMA!

SHKARKO APP

App Store
Google Play

E fundit!

x

"Të marrësh leksione nga Berisha, si të dëgjosh djallin të citojë Biblën"/ Balla: Rastet e ministrave ishin dorëheqje

27 Nëntor 2025, 15:44, Politikë CNA

"Të marrësh leksione nga Berisha, si të dëgjosh djallin

Kryetari i Grupit Parlamentar të Partisë Socialiste, Taulant Balla, ka reaguar ndaj deklaratave të kreut të PD-së, Sali Berisha, i cili publikoi një listë ministrash të vendeve të BE-së që, sipas tij janë pezulluar gjatë hetimeve penale, duke i dhënë përgjigje kryeministrit Edi Rama, i cili tha se nuk ka raste në Bashkimin Europian kur një ministër është shkarkuar nga gjykata.

Balla deklaron se t’i referohesh Berishës për emrat e ministrave është si të dëgjosh djallin të citojë Biblën ose Kuranin.

"Të dëgjosh leksione nga bufi S.B. mbi vendimet e gjykatave, është njëlloj sikur të dëgjosh shejtanin të të shpjegojë psalmet e Biblës apo suret e Kuranit. Duke iu referuar qëndrimit të Kryeministrit Rama, se nuk ka asnjë rast në Europë, madje as në botë, ku një ministër të jetë pezulluar nga detyra (nuk flasim për vendim dënimi penal të formës së prerë), Bufi i kënetës paska dalë sot me një listë emrash ministrash apo zyrtarësh në disa vende." shkruan Balla.

 

Në një postim në rrjetet sociale, kreu i grupit parlamentar socialist e akuzoi Berishën për mashtrim publik duke i renditur disa kundërargumente.

Sipas Ballës, rastet e përmendura janë dorëheqje politike, jo pezullime nga gjykatat.

 

"Asnjë nga këto raste nuk ka lidhje me rastin që duhet t’i japë zgjidhje Gjykata Kushtetuese në Shqipëri. Ato janë dorëheqje të natyrave dhe konteksteve të caktuara politike, por që nuk lidhen me një vendim pezullimi të ushtrimit të detyrës. Madje, rasti i dorëheqjes së Willy Claes nga detyra e Sekretarit të Përgjithshëm të NATO-s është fiks rasti se si çdo procedurë duhet të kalojë përmes Parlamentit. Willy Claes dha dorëheqjen vetëm pasi Parlamenti belg kishte dhënë autorizimin për hetimin gjatë kohës që kishte qenë ministër në qeverinë belge."/CNA

 

 

 





Lajmet e fundit nga