web counter
LEXO PA REKLAMA!

SHKARKO APP

App Store
Google Play

"Kërkimi parlamentar, rol kyç në harmonizimin e ligjeve me BE-në"/ Gonzato: Shqipëria nuk mund të dështojë në integrim

26 Nëntor 2025, 09:47, Politikë CNA

"Kërkimi parlamentar, rol kyç në harmonizimin e ligjeve me

Ambasadori i Bashkimit Europian në Tiranë, Silvio Gonzato, në fjalën e tij në aktivitetin e organizuar nga Kuvendi në kuadër të Ditës së Kërkimit Parlamentar deklaroi se legjislativi duhet të përmbyllë negociatat me skrupolozitet dhe vendosmëri pasi ka një rol kyç.

Gonzato tha se kërkimi parlamentar është themeli në harmonizimin e ligjeve dhe në informimin e qytetarëve.

Ambasadori deklaroi se kërkimi ndihmon ligjvënësit që të shpjegojnë ligjet më mirë për kategoritë e ndryshme të qytetarëve dhe gjithashtu ndihmon në harmonizimin e ligjeve sipas kontekstit social dhe ekonomik të Shqipërisë.

"Skrupoloziteti dhe vendosmëria janë kryesoret nëse do të përmbyllni negociatat deri në vitin 2027. Kuvendi është forumi legjitim ku propozohen legjislacionet. Kërkimi parlamentar është themeli, pasi është puna e kërkuesve për të harmonizuar ligjet dhe për të analizuar sistemin ekonomik pasi kjo është arsyeja se si implementohen ligjet e BE-së në Shqipëri duke marrë parasysh kontekstin.

Kjo çel rrugën për zbatimin e ligjit pa probleme sepse njeh kontekstin.

Kuvendi duhet të rrisë transparencën dhe llogaridhënien.

Debati i bazuar në fakte koncize dhe të kuptueshme për ligjet pasi qytetarët duhet të kuptojnë.

Deputeti duhet të jetë i aftë të japë përgjigje për çështjet të bazuara në prova, kjo është e vetmja mënyrë për reformat e qëndrueshme.

Kërkimi parlamentar ndihmon ligjvënësit për të marrë vendime më të mira.

Misioni i EPRS është që të rrisë besueshmërinë te këto organe.

Ekspertiza e mirë nuk është e lirë, por kostoja është e papërfillshme krahasuar me të mirat që sjell. Shqipëria nuk mund të dështojë në integrimin në BE. Do të investojmë që të sigurohemi që vendimet e Parlamentit të mos jenë për përfitime politike me qëllim që të bëheni një partner i fortë në Bashkimin Europian", deklaroi Gonzato./CNA

 

 

 





Lajmet e fundit nga