web counter
LEXO PA REKLAMA!

SHKARKO APP

App Store
Google Play

"Diskutuam për zgjerimin e bashkëpunimit me Kongresin amerikan"/ Balla, takim me VanHorn

25 Nëntor 2025, 15:18, Politikë CNA

"Diskutuam për zgjerimin e bashkëpunimit me Kongresin

Kryetari i Grupit Parlamentar të Partisë Socialiste, Taulant Balla, priti në Kuvend të Ngarkuarën me Punë të SHBA-së, Nancy VanHorn.

Përmes një postimi në rrjetet sociale Balla deklaron se në qendër të bisedës ishin dialogu dhe agjenda legjislative e Kuvendit në kuadër të reformave shumëplanëshe, ku prioritete thelbësore spikasin përmbushja e detyrimeve të Shqipërisë në rrugën e anëtarësimit në Bashkimin Europian brenda këtij mandati.

Balla nënvizoi gjithashtu edhe përgjegjësitë e vendit në fushën e sigurisë:

“Diskutuam edhe detyrimet në fushën e sigurisë si një vend anëtar i NATO-s, aleat strategjik me SHBA-në.”

Në takimin me VanHorn, Balla vlerësoi rolin e SHBA-së dhe Presidentit amerikan në proceset globale të paqes.

“Vlerësojmë mbi gjithçka rolin udhëheqës të Presidentit Trump dhe përpjekjet e SHBA-së për paqe dhe siguri kudo në botë. Javën e kaluar nën drejtimin e Kryeministrit Rama, Shqipëria shënoi një moment vendimtar me çeljen e grupkapitullit të fundit të negociatave në Konferencën e 7-të Ndërqeveritare Shqipëri–BE në Bruksel.”

Dy zyrtarët diskutuan edhe intensifikimin e marrëdhënieve parlamentare mes Tiranës dhe Uashingtonit:

“Gjatë takimit diskutuam edhe për zgjerimin e bashkëpunimit mes Kuvendit të Shqipërisë dhe Kongresit amerikan, si dhe mbi idenë e një Memorandumi Bashkëpunimi mes dy institucioneve ligjvënëse.” shkruan Kryetari i Grupit Parlamentar socialist, Taulant Balla./CNA





Lajmet e fundit nga