web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e Kos për zgjedhjet/Zhulali: Sfidon PD dhe Bashkimin Europian

25 Nëntor 2025, 19:06, Politikë CNA

Deklarata e Kos për zgjedhjet/Zhulali: Sfidon PD dhe Bashkimin Europian

Ekspertja e Çështjeve Ndërkombëtare, Ilda Zhulali e ftuar në Syri Tv ka folur për deklaratat e Marta Kos në lidhje me zgjedhjet në Shqipëri.

Zhulali tha se deklarata e Kos duhet parë si një sfidë ndaj Partisë Demokratike.

Deklaratë të cilën Zhuali e quajti dhe një sfidë ndaj institucioneve të BE-së, referuar dhe raportit të OSBE/ODIHR.

Ekspertja u shpreh se deklarata e Kos do të ndiqet më tej pas notës verbale që bëri PD-ja.

 

 

“Po mendoj që janë pjekur të gjitha rrethanat edhe kushtet që edhe ka dhe një vetë-dijësim dhe më të lartë të Partisë Demokratike që t'i trajtojë gjërat pak më ndryshe. Unë kam patur dhe një intervistë më herët, përpara dy ditësh, në syri dhe kam thënë që duhet parë këtë deklaratën e Marta Kos thjesht si një sfidë ndaj Partisë Demokratike, se ne i kemi parë gjërat ë edhe për shkak të zhvillimeve në Shqipëri, shumë ngushtë. Pra, të lidhura vetëm me opozitën. Sepse kjo deklaratë e Marta Kos nuk ishte thjesht sfidë ndaj opozitës, ndaj PD-së apo atyre që votuan vetëm në opozitën. Ishte sfidë e drejtpërdrejtë e vetë institucioneve të Bashkimit Europian. Duke nisur me Parlamentin Europian, i cili dërgoi një mision me vëzhgues në Shqipëri, të cilin e kryesonte Michael Gahler. Po. Ai ka patur dhe deklaratë pasi mbaroi misioni në Shqipëri, ka ndjekur këtë gjetjet e këtij misioni edhe me një seancë të posaçme të Komisionit të Jashtëm të Parlamentit Europian në Bruksel, ku është diskutuar gjerësisht atje, por në të njëjtën kohë ky delegacion ka qenë në një farë mënyre Sonila bashkëshkrues i raportit përfundimtar të OSBE-ODIHR.

Sepse ky raport shkruhet nga ata që i vëzhgojnë zgjedhjet. Dhe Parlamenti Europian është bashkëautor i këtij raporti. Pra, Marta Kos sfidon jo vetëm Parlamentin Europian, që është institucioni që i ka dhënë asaj votëbesimin. Pra, ajo varet nga Parlamenti Europian, por ka sfiduar dhe OSBE-ODIHR-in. Dhe nuk e ka tagrin për ta bërë këtë gjë. Prandaj edhe Partia Demokratike ka marrë vendimin e duhur për ta përcjellë me një notë verbale këtë shqetësim dhe për të thënë dhe një gjë tjetër, që duke folur me qëndrime diametralisht të kundërta, ë, në sytë e shqiptarëve ë, ka një, bëhet një dëm shumë i madh që minon të gjithë besimin që qytetarët kanë tek procesi i integrimit, por veçanërisht tek institucionet europiane, sepse me të drejtë, një shqiptar pyet, ore kush e përfaqëson BE-në? E përfaqëson Marta Kos?

Me atë deklaratë. E përfaqëson Parlamenti Europian me misionin që solli këtu dhe vëzhgoi zgjedhjet, me deklaratën që ai bëri që tha në Shqipëri duhet të kemi shumë kujdes, sepse jo vetëm që ishte një fushë loje e pabarabartë, pra nuk ishte një terren të barabartë për garuesit. Jo vetëm zgjedhjet u zhvilluan në kushtet e partisë shtet, por ai foli dhe për ndikimin e krimit të organizuar dhe narkotrafikut në zgjedhje. Jo, kjo është përgjigja e vetë e Marta Kos dhe unë jam e bindur që kjo deklaratë do të ndiqet më tej dhe me këtë notë verbale që ka bërë Partia Demokratike, kjo do të shkojë në Parlamentin Europian. Kjo është, kjo ndjek rrugën zyrtare. Ne i jemi drejtuar zyrtarisht Komisionit Europian, Ursula von der Leyen si presidente e këtij komisioni dhe Parlamentit Europian, që thashë është institucioni që ka votëbesuar Marta Kos si komisionere”, tha Zhulali./CNA





Lajmet e fundit nga