web counter
LEXO PA REKLAMA!

SHKARKO APP

App Store
Google Play

E fundit!

x

"Bie në kontradiktë me atë që është shkruar në raportin e KE"/ Vokshi: Komisionerja Kos duhet të kërkojë ndjesë

25 Nëntor 2025, 20:00, Politikë CNA

"Bie në kontradiktë me atë që është shkruar

Deputetja e Partisë Demokratike, Albana Vokshi e ftuar në Syri Tv ka folur për deklaratat e komisioneres Marta Kos, në lidhje me zgjedhjet në vend.

Vokshi tha se deklaratat e Kos nuk janë qëndrim i KE, por qëndrimi i saj personal.

Demokratja tha se deklaratat e komisioneres bien në kontradiktë me vetë raportine Komisionit Europian.

Vokshi u shpreh se KE ka pasqyruar gjetjet e OSBE-së për zgjedhjet në Shqipëri.

Gjetje, që sipas Vokshit janë komplet të kundërta me atë që deklaroi Kos.

Deputetja bëri thirrje që komisionerja të kërkojë falje dhe të distancohet nga deklaratat e bëra.

 

“Deklarata e Kos nuk është qëndrim i KE, por i saji personal. Kur dëgjuam deklaratën ishim në Brazil, në asamblenë e CDI. Patëm takime, diskutime me eurodeputetë dhe me deputetë të vendeve të ndryshme dhe të BE.

Bie në kontradiktë me atë që është shkruar në vetë raportin e KE, për të mos shkuar në raportin e OSBE.

Raporti i OSBE/ODIHR merret për bazë nga të gjitha organizatat ndërkombëtare. KE asnjëherë nuk mban qëndrim, le të themi ka pasqyruar gjetjet e raportit të OSBE. Gjetje që janë krejt të kundërta me atë që tha komisionerja Kos. Dhe ajo vetë të distancohet nga ajo që tha, të kërkojë ndjesë. Ajo ç’ka tha Marta Kos bie ndesh me qëndrimin e KE dhe me raportin e OSBE/ODIHR, që ata vetë i referohen.

Nuk e di se si një komisionere mund të shkojë aq larg. Nuk mund të ngatërrohet pjesa personale e ardhura nga lobimi me funksionin e komisioneres.

KE ka vënë pikat mbi i. Komisionerja Kos duhet të lexojë atë që është shkruar në raport dhe të kërkojë ndjesë”, tha Vokshi./CNA





Lajmet e fundit nga