web counter
LEXO PA REKLAMA!

SHKARKO APP

App Store
Google Play

E fundit!

x

Diskutime mbi reformën territoriale/ Klosi: Kufijtë nuk janë të partive, por të njerëzve

27 Nëntor 2025, 12:54, Politikë CNA

Diskutime mbi reformën territoriale/ Klosi: Kufijtë nuk janë

Komisioni i Posaçëm Parlamentar për Reformën Administrativo-Territoriale diskutoi sot nevojën për thellimin e reformës që ka reduktuar njësitë e pushtetit vendor.

Sekretari i Përgjithshëm i PS-së, Blendi Klosi, vlerësoi prezencën e opozitës dhe nënvizoi se reduktimi i bashkive është pranuar nga qytetarët dhe ka transformuar raportin e tyre me pushtetin lokal.

Klosi theksoi se duhet thelluar më shumë diskutimi për reformën territoriale. Ai shtoi se kufijtë territorialë nuk janë të partive, por të njerëzve.

“Unë e vlerësoj prezencën e opozitës në këtë komision. Jemi dakord për nevojën që ka pasur Shqipëria për reduktim të njësive të pushtetit vendor.

Sa mirë do të ishte të kishim një reformë të plotë që në 2015 të dakordësuar nga të dyja palët. Të jetë afatgjatë, t’i qëndrojë kohës. Përfaqësues të opozitës nuk kanë qenë kundër reduktimit.

Nëse ka një reformë të bërë në këto vite është reforma territoriale që ka transformuar raportin e qytetarëve me pushtetin vendor.

Duhet thelluar më shumë. Duhet të marrim argumentet e kohës. Çfarë do të thotë shërbime? Shërbimet tani janë online dhe e merr shërbimin si në Tiranë, Dibër apo Skrapar.

Bashkitë që të jenë më të fuqishme duhet të kenë më shumë shërbime, investime. A duhet të jetë më e thellë? Duhet ta thellojmë këtë.

Kjo është reformë e rëndësishme, faktet janë kokëforta, treguesit janë kokëfortë dhe qytetarët e kanë pranuar.

Nga ajo që kemi testuar, të gjithë qytetarët e mirëpresin një thellim me tej të kësaj reforme. Kjo u takon mbledhjeve të ardhshme të komisionit.

Kufijtë territorialë nuk janë të partive, por të njerëzve. Duhet të biem të gjithë dakord. Produkti i këtij komisioni të jetë më tepër se 10 vite i gjatë”, tha Klosi./ CNA





Lajmet e fundit nga