web counter
LEXO PA REKLAMA!

SHKARKO APP

App Store
Google Play

Deklaratat e opozitës për Marta Kos/ Dash Shehi: Ndërkombëtarët nuk mund të zgjidhin hallet e PD-së

26 Nëntor 2025, 18:06, Politikë CNA

Deklaratat e opozitës për Marta Kos/ Dash Shehi:

Kreu i LZHK-së Dashamir Shehi, ka komentuar reagimet e Partisë Demokratike ndaj deklaratave të Komisioneres së BE për Zgjerimin, Marta Kos.

Shehi tha në një intervistë, se opozita duhet të kuptojë se ndërkombëtarët, nuk mund të zgjidhin hallet e brendshme të PD-së. Ai shtoi më tej se Marta Kos ka detyrë të komentojë për kapitujt e integrimit dhe jo raportet e OSBE/ODIHR-it.

“Konfrontimi i vazhdueshëm i grupit opozitar me institucionet ndërkombëtare, shpesh herë edhe me botën e huaj, opozita vetë duhet ta kuptojë që nuk na kanë gjë borxh ndërkombëtarët. E dyta që ndërkombëtarët nuk mund të zgjidhin hallet e brendshme të PD-së.

E treta që ndërkombëtarët gjithsesi në raportin mes qeverisë dhe opozitës do ta mbyllin gjithmonë një sy në raport me qeverinë. Se kështu ka ndodhur përherë. Dhe kjo është historia e negociatave. Nuk është se ndërkombëtarët nuk kanë ndonjë inat me opozitën. Po t’i shikosh ato raportet e tyre, atë që bëri OSBE, janë të gjitha kritikat atje brenda. Por nuk është detyra e asaj Kos, ajo ka një linjë tjetër, është për kapitujt e integrimit.

Ata që duhet ta mbanin qëndrimin, e mbajtën. Bënë një raport shumë të rreptë në krahasim me herët e tjera. Nuk po them se ja kanë vënë gishtin të gjitha gjërave, pasi ka edhe përtej saj. Për çfarë do vijë Brukseli këtu? T’i thotë t’i je narkoshteti kryeministrit të vendit? Kjo nuk ndodh. Ça presin këto, të vijë Brukseli në Tiranë dhe të shajë me libër shtëpie Edi Ramën?”, tha Shehi. /CNA





Lajmet e fundit nga