web counter
LEXO PA REKLAMA!

SHKARKO APP

App Store
Google Play

"Duhej një referendum për këtë çështje"/ Baçi: Në një shkollë është shpërndarë një broshurë për gjinitë

26 Nëntor 2025, 15:57, Politikë CNA

"Duhej një referendum për këtë

Deputeti i Partisë Demokratike, Luan Baçi, në një dalje televizive ka folur për ligjin e barazisë gjinore.

Baçi tha se në një shkollë në Tiranë është përhapur një broshurë ku flitet për gjinitë.

Demokrati u shpreh se për këtë çështje duhet referendum.

Në lidhje me këtë rast, deputeti u shpreh se dhe vetë mazhoranca e pranoi që ky rast është shqetësues.

Duke u ndalur te “Foltorja” e opozitës, Baçi tha se nuk ka ndryshuar asgjë.

 

“Asgjë nuk ka ndryshuar me protestën. Dikush i thotë 'foltore' apo protestë, apo takim me qytetarët. Në fakt është 'foltore', takim me qytetarët, ndërsa lindi pas bllokimit të fjalës së opozitës në Kuvend. Menduam se si mundet që të komunikojmë me qytetarët për të thënë fjalët tona. Ne u munduam që të mos jepnim asnjë shkak që mazhoranca të mos mbyllte diskutimet. Ajo ditë ka qenë e trishtë, kur u mbyllën diskutimet për ligjin për barazinë gjinore. Në një shkollë në Tiranë, në një gjimnaz është përhapur një broshurë ku flitet për gjinitë. Duhej një referendum për këtë çështje. E di çfarë na ndodhi sot në Komision, kryetari Boçi kërkoi thirrjen e ministres së Arsimit, mazhoranca votoi kundër. Sot pranuan që rasti i broshurës në këtë shkollë ishte shqetësues dhe se duhej parë, por votuan kundër thirrjes së ministres se nuk kishin urdhër partiak”, tha Baçi./CNA





Lajmet e fundit nga