web counter
LEXO PA REKLAMA!

SHKARKO APP

App Store
Google Play

Mblidhet komisioni për “Territorialen”/ Boçi: Reforma e fundit ishte dështim, nuk u mor parasysh interesi i qytetarëve

27 Nëntor 2025, 12:25, Politikë CNA

Mblidhet komisioni për “Territorialen”/ Boçi: Reforma e

Komisioni për Reformën Administrativo-Territoriale po zhvillon sot mbledhjen e radhës. Bashkëkryetari Luçiano Boçi u shpreh gjatë fjalës së tij se nëse ndiqen të njëjtat metoda si në reformat e kaluara, puna e këtij komisioni do të jetë një dështim dhe pa produkt.

Boçi tha më tej se thelbi i kësaj reforme është një ndarje e re territoriale, me më shumë bashki dhe shërbime. Ai shtoi se reforma e fundit përfundoi me një hartë politike që sipas tij u nda në bazë të numrit të votave dhe jo interesit të qytetarëve.

“Nëse ecim me të njëjta modalitete si më parë do të bëjmë vetëm reformën e reformës së dështuar. Nëse duam një produkt, të nisim të punojmë me vërtetësi për interesin e qytetarëve dhe bashkive. Kryetarët e bashkive kanë interes, mos mendoni se na kanë sjellë ata këtu. I kam parë çfarë përulje kanë në raport me kryeministrin sepse janë të zhveshur nga çdo lloj autonomie. Ajo çfarë kërkohet në thelb të kësaj reforme është një ndarje e re territoriale, bashki më shumë, shërbim më shumë. Kjo ndarje nuk përkon me tendencat e zhvillimi ekonomik. Kjo reformë që e kishte fjalorin e bukur, ashtu siç do ta ketë dhe kjo që do të bëhet, përfundoi me një hartë politike që vijat e hartave u vendosën në bazë të numrit të votave. Nuk e caktoi interesi i qytetarëve dhe bashkive, por numri i votave. Jemi në funksion të detyrës sonë për të bërë edhe debatin për qytetarin, duke mos pranuar një ndarje politike të njësive bashkiake, duke u përpjekur që atyre njësive që do të riformohen t'u rikthejmë autoritetin dhe kompetencat për të ushtruar një detyrë me rezultat real e konkret”, tha Boçi. /CNA





Lajmet e fundit nga