web counter
LEXO PA REKLAMA!

SHKARKO APP

App Store
Google Play

E fundit!

x

“Mijëra hektarë nën ujë”/ Këlliçi: Përmbytjet jo fatalitet hyjnor, por neglizhencë 12-vjeçare

27 Nëntor 2025, 20:21, Politikë CNA

“Mijëra hektarë nën ujë”/ Këlliçi:

Deputeti demokrat Belind Këlliçi ka reaguar sot lidhur me situatën e krijuar në vend nga përmbytjet e ditëve të fundit.

Përmes një postimi në rrjetet sociale, Këlliçi shprehet se gjendja është kthyer në një tragjedi, pasi mijëra hektarë në vend gjenden nën ujë, sikurse edhe të mbjellat.

Këlliçi shprehet se situata e rëndë ka shkatërruar edhe ekonominë familjare.

Sipas Këlliçit, përmbytjet nuk janë fatalitet hyjnor, teksa hedh akuza për neglizhencë të qëllimshme nga qeveria e 12 viteve të fundit.

“Situata e rëndë e përmbytjeve në Shqipëri është tregues për qytetarë të harruar totalisht nga shteti.

Mijëra hektarë nën ujë, të mbjella dhe ekonomi familjare të shkatërruara, mjerisht edhe humbje në jetë njerëzore.

Faktorët natyrorë në Shqipëri shndërrohen në tragjedi në mënyrë të vazhdueshme.

Kjo jo si fatalitet hyjnor por si neglizhencë e qëllimshme 12 vjeçare.

Mungesat e investimeve në infrastrukturë, në kanalet e kullimit apo në hidrovoret e harruar sjell pasoja të pallogaritshme në jetët njerëzore të prekura nga përmbytjet.

Partia Demokratike qëndron për ndihmën urgjente, efikase dhe dëmshpërblimin e plotë të banorëve të lënë në mëshirën e fatit”,-shkruan Këlliçi./CNA

 





Lajmet e fundit nga