web counter
LEXO PA REKLAMA!

SHKARKO APP

App Store
Google Play

E fundit!

x

Kodi i ri Penal/ Zhvillohet tryeza e 16 konsultative, të pranishëm ministrat Pirdeni dhe Lamallari

27 Nëntor 2025, 17:56, Politikë CNA

Kodi i ri Penal/ Zhvillohet tryeza e 16 konsultative, të pranishëm

Ditën e sotme në Ministrinë e Drejtësisë është zhvilluar tryeza e 16-të konsultative për draftin e Kodit të ri Penal. Në fokus të këtij takimi, ishin veprat penale të kryera nga zyrtarët publikë apo kundër veprimatrisë publike.

Të pranishëm në tryezën e organizuar ishin ministri i Drejtësisë, Besfort Lamallari, ministri i Shtetit për Administratën Publike dhe Antikorrupsionin, Adea Pirdeni, kryetari i grupit të punës për Kodin e ri Penal, Arben Rakipi, si dhe përfaqësues të ILDKPKI, Komisionerit për Mbrojtjen nga Diskriminimi, Agjencia e Prokurimeve Publike, AKEP, KLSH.

Në fjalën e mbajtur,  ministri i Drejtësisë tha se në përfundim të kësaj faze, të gjitha komentet e ardhura do të shqyrtohen me kujdes. Lamallari tha se më pas do të ketë një tjetër fazë konsultimesh.

Ministri u shpreh i bindur se në fund do të ketë një produkt shumë cilësor duke harmonizuar Kodin e ri Penal me standardet më të mira ndërkombëtare.

 

“Ministria e Drejtësisë garanton një proces gjithëpërfshirës dhe transparent. Ne besojmë fort se në përfundim të kësaj faze të parë të konsultimit të gjerë, do të jetë mundësia e grupit të punës që të gjitha komentet e ardhura me shkrim apo gjatë këtyre tryezave të përpunohen dhe shqyrtohen me kujdes. Më pas do të jepet mundësia për një raund të dytë konsultimesh. Besoj fort se në finale ne do të kemi një produkt shumë cilësor, i cili garanton përshtatjen me nevojat dhe evoluimin e jurisprudencës, por duke harmonizuar këtë Kod të ri Penal me standardet më të mira ndërkombëtare dhe Acquis Communautaire të Bashkimit Europian”, tha ministri Lamallari. 

 

 

Ministrja Adea Pirdeni në fjalën e mbajtur tha se Kodi i ri Penal do të jetë jo vetm në përputhje me standardet europiane, por dhe so t’i përshtatet realitetit ligjor.

Prideni tha se fenomentet prezente në shoqërin dhe në punën e administratës kërkojnë një adresim të veçantë.

“Kodi i ri Penal të jetë në përputhje jo vetëm me standardet më të mira aktuale, vendore dhe europiane, por mbi të gjitha të garantojë që t’i përshtatet realitetit ligjor, social dhe ekonomik në Republikën e Shqipërisë. Nuk ka asnjë mënyrë tjetër sesa të reflektohen në Kod ato fenomene të cilat janë sot prezente në shoqërinë tonë dhe punën e administratës publike dhe që kërkojnë një adresim të veçantë”, deklaroi ministrja Pirdeni./CNA





Lajmet e fundit nga