E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Rama: Kryeministri i Katarit do të vizitojë Shqipërinë në muajt e parë të 2026

30 Nëntor 2025, 10:06, Politikë CNA

Rama: Kryeministri i Katarit do të vizitojë Shqipërinë

Kryeministri Edi Rama, në episodin e sotëm të podcastit të tij “Flasim” ka folur edhe lidhur me vizitën e tij në Doha, Katar. Rama tha se në takimin me Kryeministrin e Katarit, Sheikun Muhamed bin Abdulrahman bin Jassim Al Thani kanë folur për shumë tema, ndërsa shtoi se ai do të vijë në Shqipëri në muajt e parë të vitit 2026.

Kreu i qeverisë tha se do të sjellin në vend një ndër ekselencat më prestigjioze të shërbimit spitalor, që sipas tij do të ndikojë pozitivisht në rritjen e standardeve të shërbimit publik spitalor.

“Para pak ditësh vizitova Dohën dhe kalova disa orë intensive diskutimesh me mikun tim të shtrenjtë, Kryeministrin e Katarit, Sheikun Muhamed bin Abdulrahman bin Jassim Al Thani, një ndër udhëheqësit më të talentuar e më të respektuar të botës së sotme, i cili do të vijë me shumë dëshirë në Shqipëri në muajt e parë të vitit të ri. Prekëm shumë tema me Kryeministrin dhe do të përgatisim një agjendë ambicioze bashkëpunimi, që do ta bëjmë publike gjatë vizitës së tij në Shqipëri, por mund të them qysh sot se do të sjellim në vendin tonë një ndër ekselencat më prestigjioze të shërbimit spitalor, qoftë si praktikë private e qoftë si praktikë partneriteti publik–privat, çka do të ndikojë shumë pozitivisht në rritjen e standardeve të shërbimit tonë publik spitalor”, tha kryeministri.

Rama foli edhe lidhur me samitin europian për Planin e ri të Rritjes ku tha se u ndanë pikëpamje të vlefshme për integrimin e mëtejshëm ekonomik në rajon dhe integrimin tonë si rajon në Tregun e Përbashkët Europian.

“Edhe këtë javë Shqipëria u bë mikpritëse e një samiti europian, këtë herë mes vendeve të rajonit dhe Komisionit Europian, për Planin e ri të Rritjes, ku së bashku me liderët e Ballkanit Perëndimor dhe Komisioneren Europiane për Zgjerimin, miken e paçmuar të Shqipërisë, Marta Kos dhe skuadrën e saj të ekspertëve, bëmë një bilanc të ecurisë së planit të ri të rritjes, ndamë pikëpamje të vlefshme për integrimin e mëtejshëm ekonomik në rajon dhe integrimin tonë si rajon në Tregun e Përbashkët Europian. Shqipëria tanimë nuk ndalet dot nga askush dhe për asnjë arsye, ndërkohë që kuotat e saj ndërkombëtarisht vazhdojnë të rriten, me shumë punë këtu në Shqipëri e me shumë krenari e dinjitet në përfaqësimin e Shqipërisë në arenën ndërkombëtare”, u shpreh Rama. /CNA