web counter
LEXO PA REKLAMA!

SHKARKO APP

App Store
Google Play

“Të fuqizojmë prodhimin shqiptar”/ Zhupa: Zero mbështetje nga shteti, papërgjegjshmëri e qeverisë ndaj fermerëve

30 Nëntor 2025, 18:37, Politikë CNA

“Të fuqizojmë prodhimin shqiptar”/ Zhupa: Zero

Deputetja demokrate Ina Zhupa ka hedhur sot akuza për papërgjegjshmëri nga ana e qeverisë në ndarjen e fondeve për fermerët e vendit.

Përmes një postimi në rrjetet sociale, Zhupa shprehet se Shqipëria është e bekuar nga natyra dhe duart e njeriut, arsye për të cilat duhet të ketë më shumë vëmëndje ndaj prodhimit vendas.

Sipas deputetes, shteti nuk po mbështet siç duhet jo vetëm prodhimin, por edhe mundin dhe sakrificën e fermerëve.

“Vendi ynë është i bekuar nga natyra dhe nga duart punëtore të njerëzve të ndershëm, por fatkeqësisht i mallkuar nga qeveritarë të papërgjegjshëm që nuk i çojnë fondet e buxhetit atje ku duhet: te qytetarët, te fermerët, te ata që punojnë me përkushtim.

Ndërkohë që AKU tregohet e paaftë për të kontrolluar abuzuesit dhe përhapjen e lajmeve të rreme që dëmtojnë fermerët dhe bizneset e ndershme, njerëz si Fatmir Shero vazhdojnë të ndërtojnë modele suksesi me prodhimet e fermerëve të Konispolit.

AKU ka për detyrë të kontrolloj në kohë tregun dhe të gjurmoj abuzuesit për t’i vënë para përgjegjësisë dhe mos të bëhet pjesë e skemave për dëmtimin e prodhimit vendas.

Prodhime me cilësi të jashtëzakonshme, të realizuara vetëm me mund, përkushtim dhe sakrifica dhe fatkeqësisht me zero mbështetje nga shteti.

Të mbështesim punën e fermerëve tanë. Të bejmë produkte vendase. Vetëm kështu i japim vlerë punës së tyre dhe fuqizojmë prodhimin shqiptar”,-shkruan Zhupa./CNA  

 





Lajmet e fundit nga