web counter
LEXO PA REKLAMA!

SHKARKO APP

App Store
Google Play

Ministrja Koçiu rikthehet në Farkë: 581 objekte të kontrolluara, 4.500 m² shtesa pa leje dhe gjoba 2.5 milionë euro

1 Dhjetor 2025, 17:03, Politikë CNA

Ministrja Koçiu rikthehet në Farkë: 581 objekte të

Ministrja e Punëve të Brendshme, Albana Koçiu, u rikthye sot në zonën e Farkës, ku prej tre javësh po zhvillohet një operacioni për verifikimin e lejeve të ndërtimit dhe standardeve të sigurisë në terren.

Ministrja deklaroi se bëhet fjalë për një proces të strukturuar dhe afatgjatë, që synon të japë një panoramë më të qartë të situatës ndërtimore.

“Dua ta theksoj me forcë, ky operacion nuk ka synim të ndëshkojë industrinë e ndërtimit, ka synim të rritë standardin, të mbrojë qytetarët, të sigurojë që ata që zbatojnë ligjin të mos konkurrohen padrejtësisht nga ata që e shkelin atë. Të gjithë ata që ndërtojnë sipas lejes, me dokumentacion të rregullt e me standarde janë aleatët tanë në këtë proces. Ky proces nuk do të zgjasë tre javë, as deri në fund të sezonit. Do të vazhdojë derisa rregulli, standardi dhe përgjegjësia të jenë norma e vetme në territor”,-tha Koçiu.

Nga kontrolli i deritanishëm në 581 objekte, janë konstatuar rreth 4.500 m² shtesa pa leje, ku gjysma e sipërfaqes është prishur menjëherë nga vetë ndërtuesit, ndërsa pjesa tjetër po vlerësohet për procedurën e konfiskimit për interes publik, teksa janë caktuar sanksione me gjobë që arrijnë në 2.5 milionë euro./CNA

 





Lajmet e fundit nga