web counter
LEXO PA REKLAMA!

SHKARKO APP

App Store
Google Play

Projektligji “Për parandalimin e konfliktit të interesave”/ Bylykbashi: Duhet mprehur lapsi mirë, të mos krijojmë konflikte të reja

2 Dhjetor 2025, 13:04, Politikë CNA

Projektligji “Për parandalimin e konfliktit të

Në mbledhjen e sotme të Komisionit të Ligjeve po shqyrtohet projektligji “Për parandalimin e konfliktit të interesave në ushtrimin e funksioneve publike”.

Gjatë fjalës së tij, deputeti Oerd Bylykbashi tha se ky ligj duhet bërë në mënyrë të atillë që të jetë efikas për ndalimin e korrupsionit dhe shpërdorimin e detyrës dhe jo për të krijuar konflikte të tjera. Gjithashtu theksoi se nuk u duhen cenuar njerëzve të drejtat e tyre kushtetuese.

“Në parim unë mendoj që ligji nuk mund të jetë shtrirje e një detyrimi të përgjithshëm pa precizion, sepse kjo krijon ngërç ose moszbatim. Arsyeja pse ne po kërkojmë kohë t'i hyjmë në thellësi dhe të marrim edhe ekspertizën e duhur, por në fund fare ka dhe logjikë. A do ta bëjmë këtë ligj të jetë efikas dhe të ndalojë korrupsionin dhe shpërdorimin e detyrës apo të bëjmë një ligj thjesht për të krijuar konflikte tjera. Të përdoret si mekanizëm presioni. Personat që nuk janë zyrtarë, por janë të lidhur do të jenë të penguar të ushtrojnë lirinë e aktivitetit ekonomik. Sigurisht konflikti i interesit duhet parandaluar, por ky ligj shkon edhe më lart. Kemi gjysmën e popullatës që nuk di çfarë bëhet me familjarët. Kufizim i tillë mund të cenojë të drejtat kushtetuese. Duhet mprehur lapsi shumë me këtë ligj. A) Të jetë efikas për ato që po duam të parandalojmë B) Të mos shkojmë të cenojmë të drejta njerëzish që nuk duam t'i cenojmë”, tha Bylykbashi ndër të tjera. /CNA





Lajmet e fundit nga