web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i Federica Mogherini-t/ Besart Xhaferri: A do të ketë Marta Kos fatin e saj?

2 Dhjetor 2025, 14:54, Politikë CNA

Arrestimi i Federica Mogherini-t/ Besart Xhaferri: A do të ketë Marta

Deputeti i Partisë Demokratike, Besart Xhaferri, ka reaguar në një postim në rrjetet sociale, për arrestimin e Federica Mogherini-t në Bruksel.

Xhaferri shkruan se të rinjtë e Forumit Rinor të PD-së në shtator të vitit 2024, kur hapej Kolegji i Europës në Tiranë, e pritën ish-nënkryetaren e KE-së me protesta.

Xhaferri ngre pyetje nëse Marta Kos do të ketë fatin e Mogherini-t.

Postimi i plotë:

Kur Kolegji i Evropës u hap në Tiranë, të rinjtë e FRPD e pritën Mogherinin me protesta. A do të ketë Marta Kos fatin e saj?

Federica Mogherini, ish-nënkryetarja e Komisionit Evropian, i është shtuar listës së miqve ndërkombëtarë të Edi Ramës që duhet të japin llogari para autoriteteve për korrupsion.

Mikesha e Edi Ramës, që fliste me superlativa për progresin e Shqipërisë në rrugëtimin drejt BE-së, është nën hetim në Belgjikë pasi dyshohet për favorizim dhe konkurrencë të pandershme në dhënien nga EEAS të një programi nëntëmujor trajnimi për diplomatët e ardhshëm evropianë, një program që i është dhënë Kolegjit prestigjioz të Evropës.

Të rinjtë e Forumit Rinor të FRPD, në shtator të vitit 2024, kur hapej Kolegji i Evropës në Tiranë, protestonin para “Godinës së Lirisë” në Qytetin Studenti, godinë që në mënyrë korruptive i kaloi Kolegjit të Evropës.

Sa herë të dëgjoni ndërkombëtarë që flasin për meritën e Edi Ramës në proceset integruese, kujtoni Yuri Kim, që pas mandatit përfundoi drejtoreshë e kompanisë që solli Tigrat 1 dhe 2, kujtoni McGonigal, Coldean, Boerin, Gjeneral Lisin dhe të tjerë ndërkombëtarë që, pasi mbyllin mandatin, dalin investitorë strategjikë në Shqipëri.

Narkoshteti dhe miqtë e tij në Bruksel dhe SHBA janë ekspozuar, koha që shqiptarët ti japin goditjen e fundit./CNA





Lajmet e fundit nga