web counter
LEXO PA REKLAMA!

SHKARKO APP

App Store
Google Play

Situata nga reshjet në Qarkun e Korçës/ Kaso: Jo fatkeqësi natyrore, por krizë e menaxhimit shtetëror

2 Dhjetor 2025, 17:33, Politikë CNA


Deputeti demokrat, Ivi Kaso u ndal sot te gjendja në Qarkun e Korçës, pas reshjeve intensive të shiut të rreth një jave më parë, që krijuan një sërë problematikash në zonë.

Në fjalën e tij në Kuvend, Kaso kritikoi ashpër qeverinë për mungesë vëmendjeje, teksa përmendi disa shqetësime me të cilat u përballën banorët.

Kaso tha se situata nuk erdhi si pasojë e një fatkeqësie natyrore, por nga kriza e menaxhimit shtetëror.

“Para një jave, Qarku i Korçës ka përjetuar reshje të dendura, ku kishte edhe një vitktimë. Ra rreth 400mm shi, por dhimbja për banorët nikoqirë të këtyrë zonave nuk është vetëm nga shirat, por edhe nga mungesa e shtetit që mbyt shpresën e njerëzve. Në Maliq, përmbytja nuk ishte vetëm ujë për një copë tokë, por edhe dëshpërim. Rreth 66 rezervuare janë lënë pa mirëmbajtje dhe pa pastrim. Ura e Maliqit, ku u hodhën 208 milionë lekë në vitin 2023, nuk iu shërbeu banorëve. Hidrovori i Vreshtasit dështoi, pasi argjinaturat u çanë në zonat e dobëta. U shkatërruan prodhimet e mistrit dhe patates. Ku shkojnë këto lekë që nuk shkuan për përmbytjey dhe as për pasojat e tyre? Rruga e Velçanit u bllokua, pasi u dëmtya nga dega e hidrocentraleve të parregullta. Nuk zgjidhen hallet e qytetarëve, por thellohen. Banorët pa asnjë kujdes dhe pa institucione për të shmangur shkaqet. Nuk janë thelluar në këtë qark. Emergjencat civile ishin të papërgatitura. Banorët e Qarkut të Korçës nuk panë shtet, por vetëm ujë. Nuk është thjesht një fatkeqësi natyrore, por krizë e menaxhimit shtetëror”,-tha Kaso./CNA





Lajmet e fundit nga