web counter
LEXO PA REKLAMA!

SHKARKO APP

App Store
Google Play

PD tallet sërish/ A do ta pranojë kësaj radhe Balla tërheqjen e firmave mbështetëse për Avokatin e Popullit?

3 Dhjetor 2025, 15:40, Politikë CNA

PD tallet sërish/ A do ta pranojë kësaj radhe Balla

Gaz Bardhi iu referua sërish së njëjtës taktikë për të djegur kandidatin që rrezikonte të mbështetej nga socialistët në procesin e përzgjedhjes së Avokatit të Popullit.

Me të njëjtën "taktikë" prej karagjozi, Gazi njoftoi se disa deputetë kanë tërhequr firmat mbështetëse për kandidatin Shabani.

Kjo praktikë u pranua dhe u certifikua nga mazhoranca Bushka-Balla, në një raund të kaluar të zgjedhjes për Avokatin e Popullit.

Ligji kërkon 28 firma mbështetëse që një kandidat të mund të regjistrohet si i gatshëm për votim në seancë.

Sipas logjikës së thjeshtë, forca e 28 firmave bie sapo kandidati depoziton listën me emrat dhe firmat mbështetëse.

Pas këtij momenti Kuvendi ka një listë me 28 mbështetës secili dhe pas kësaj nisin procedurat e regjistrimit të emrave për votim në seancë.

Por praktika e shpikur nga Gaz Bardhi dhe e pranuar nga Bushka-Balla e tërheqjes së firmave, pasi mbështetja është regjistruar, e ka futur sërish në ngërç absurd dhe të panevojshëm procesin e votimit dhe zgjedhjes së Avokatit të Popullit.

Nuk mund të kishte dikur e nuk mund të ketë as sot në asnjë rrethanë tërheqje nga mbështetja e dhënë me firmë.

Mbështetja duhet deri në momentin që fleta me emra dhe firma depozitohet në Kuvend.

Deputetët japin firmën dhe lista depozitohet.

Mbaron këtu!

Me logjikën e Gazit, firmat mund të hiqen e të shtohen pa fund derisa të bëjnë të paqëndrueshëm një proces parlamentar që nuk e përfytyron dot çfarë mund të shpikë një individ cicmic si Gazi.

Firma, në këtë rast, mund të klasifikohet lehtë si çështje burrnie.

Ndaj Gazi acarohet!/ CNA





Lajmet e fundit nga