web counter
LEXO PA REKLAMA!

SHKARKO APP

App Store
Google Play

E fundit!

x

"Qepe po të them"/ Përplasje e ashpër mes Shehajt dhe Braçes në Komisionin e Ekonomisë

3 Dhjetor 2025, 12:14, Politikë CNA


Një përplasje e ashpër ka ndodhur në mbledhjen e sotme të Komisionit të Ekonomisë, mes deputetit të PS-së, Erion Braçe dhe deputetit të Partisë Mundësia, Agron Shehaj.

Përplasja ka nisur pasi Shehaj debatoi me kryetaren e komisionit, Milva Ekonomi, lidhur me radhën e marrjes së fjalës apo ndërprerjes. Gjatë këtij debati, ka ndërhyrë Braçe, i cili i është drejtuar Shehajt duke i thënë “Qepe”.

Debati:

Ekonomi: Edhe vetë po e përjashton veten nga ky Komision, po na drejtohesh me ju. Prandaj them që nuk jeni anëtar si gjithë të tjerët, jeni zëvendësues. Nuk keni marrë pjesë në seancat paraprake. Fjalën e keni pasi të sqarohemi ne që po punojmë për këtë gjë.

Shehaj: Më ndërpretë fjalën. Ju mendoni se jemi në shkollë ose kopsht dhe thoni: Kush ka ardhur më shumë do të flasë më shumë. Mos e bëni këtë komision më qesharak seç është.

Braçe: Nuk vjen dot këtu dhe të na ofendosh ne. E ke bërë një herë, dy herë…

Shehaj: Qetësohu ti. Po flas me kryetaren.

Braçe: Boll po të them! Qepe po të them!

Shehaj: Qetësohu.

Braçe: Ka mundësi t’ia fikni atë mikrofon?

Pas këtij debati të ashpër mbledhja është ndërprerë për pesë minuta. /CNA





Lajmet e fundit nga