web counter
LEXO PA REKLAMA!

SHKARKO APP

App Store
Google Play

E fundit!

x

Mediu, kritik ndaj opozitës: Duhet të ngrihet në nivel tjetër

3 Dhjetor 2025, 14:59, Politikë CNA

Mediu, kritik ndaj opozitës: Duhet të ngrihet në nivel

Kryetari i Partisë Republikane, Fatmir Mediu, ka folur lidhur me aksionet e fundit të opozitës dhe protestat e organizuara. Në një lidhje me "News24", Mediu u shpreh kritik dhe tha se opozita duhet të bëjë një analizë të thellë të saj dhe të ngrihet në një nivel tjetër.  

“Nuk mendoj se takimet e Ervin Salianjit do të krijojnë fraksione brenda PD-së apo ndarje të saj. Opozita duhet të bëhet në çdo skaj të vendit dhe jo vetëm në Tiranë, me qëllim që të ngrihet niveli i opozitës në politikëbërjen shqiptare. Opozita shqiptare mendoj se në fillim duhet të bëjë një analizë të thellë të saj. Opozita shqiptare duhet të ngrihet në nivel tjetër, të organizohet dhe të shprehë vlerat e saj sepse nuk mendoj se Serbia apo Bullgaria të bëjnë protesta më të forta se këtu. Sepse Serbia nuk është më mirë nga ne në këtë aspekt”, tha Mediu.

Deputeti shtoi po ashtu se opozita duhet të takojë qytetarët në të gjitha qytetet dhe të dëgjojë problemet e tyre.

“Opozita duket se ka mbetur vetëm në Kuvend. Qytetarët duhen dëgjuar, duhen takuar dhe më pas të bëhet një analizë dhe të veprohet. Qytetarët shqiptarë duhen dëgjuar dhe kuptuar për problemet, ekonominë, krimin, korrupsionin. Opozita duhet hapur, duhet një reflektim. Me këtë sistem zgjedhor dhe pa bashkim të opozitës është e pamundur, ndaj edhe opozita duhet të jetë e bashkuar për të fituar. Mirëkuptimin e parë PD duhet ta kërkojë me qytetarët shqiptarë dhe jo me PS-në”, u shpreh ai. /CNA

 





Lajmet e fundit nga