web counter
LEXO PA REKLAMA!

SHKARKO APP

App Store
Google Play

E fundit!

x

Salianji vazhdon shërbimin ndaj Ramës/ Retorikë konfrontuese pa përgjegjësi

3 Dhjetor 2025, 19:38, Politikë CNA
Salianji vazhdon shërbimin ndaj Ramës/ Retorikë konfrontuese pa
Ervin Salianji

Ervin Salianji nga Durrësi ka vazhduar sulmet ndaj Partisë Demokratike, duke rikthyer vëmendjen te retorika konfrontuese që duket më shumë si shërbim politik ndaj qeverisë së Edi Ramës, sesa si kritika konstruktive ndaj opozitës.

Këtë të mërkurë ka shkuar në Durrës njeriu, që i mori me dru demokratët, njeriu që ka përçarë PD-në, njeriu i Lulzim Bashës që është pasuruar në opozitë, së bashku me Grida Dumën.

Nga qyteti bregdetar ai ka sulmuar hapur strukturat opozitare duke thënë se PD ka qenë e paaftë për të nxjerrë qytetarët drejt kutive të votimit.

“Por të dashur miq duhet ta themi hapur, një tjetër shkak është paaftësia e opozitës, e PD si forca më e madhe opozitare në vend, për të qenë bindëse, për të nxjerrë shqiptarët drejt kutive të votimit. Zgjedhjet e pjesshme janë sinjal”, tha Salianji.

Si figurë publike dhe ish-deputet, Salianji ka përgjegjësi të ruajë një diskurs konstruktiv dhe të mos reduktojë fjalimet e tij në sulme personale.

Paaftësia e një partie nuk mund të shfrytëzohet thjesht për të krijuar spektakël publik, qytetarët presin ide konkrete dhe strategji për mobilizim demokratik, jo kritika pa zgjidhje.

Salianji teksa mban fjalime, shpërfill rolin e tij si pjesë e strukturave opozitare. Nuk mjafton të kritikosh, nëse do të japësh realisht zhjidhje duhet të propozosh alternativa konkrete për të forcuar opozitën. Sulmet e përsëritura të Salianjit krijojnë imazhin e një figure më shumë përçarëse sesa bashkëpunuese.

Retorika e tij sot veçse kontribuon në përçarjen e demokratëve, duke kthyer debatin publik në një lojë fajësimesh, pa marrë përgjegjësi personale./ CNA





Lajmet e fundit nga