web counter
LEXO PA REKLAMA!

SHKARKO APP

App Store
Google Play

Shehaj: Balla nuk flet se e di çfarë e pret/ Socialisti i përgjigjet: Kur përmend emrin tim bëj gargarë me ujë Vlore

4 Dhjetor 2025, 10:49, Politikë CNA

Kreu i Grupit Parlamentar të PS-së, Taulant Balla, dhe kryetari i Partisë Mundësia, Agron Shehaj, kanë shkëmbyer akuza ndaj njëri-tjetrit.

Fillimisht ishte Shehaj ai i cili tha se Taulant Balla nuk guxon të flasë për sulmet që po u bëhen gjykatave, pasi e di se çfarë e pret.

“Rama kërcënon çdo ditë gjykatën me broçkulla. Nuk flet Taulant Balla se e di ç'e pret. Ndajeni mendjen. Bashkëpunoni me drejtësinë sepse ju ka ardhur fundi”, tha Shehaj.

Më pas nuk mungoi as përgjigjja e Ballës, i cili e cilësoi Shehajn si deputet që bërtet kot për t’u bërë interesant në rrjetet sociale. Balla iu drejtua Shehajt duke i thënë që përpara se të flasë për të duhet të lajë gojën. Më tej, Balla i tha Shehajt se në vitin 2017 i ka dhënë lekë Lulzim Bashës për të marrë mandat deputeti.

 

“E dëgjoj shpesh këtë deputetin që për t’u bërë interesant në rrjetin e tij social bërtet kot. Ti kur përmend emrin tim laj gojën, bëj gargarë me ujë Vlore. Po u pendua Lul Basha do të tregojë se sa para të ka marrë për mandatin e vitit 2017. Kujdes se mos të bën të penduarin Luli”, tha Balla.





Lajmet e fundit nga